Búgin birqatar qarjy sarapshylary Tengrinews.kz saıtyna valúta naryǵynda jaqyn kúnderi bolatyn ózgeristerge baılanysty pikir bildirdi, - dep habarlaıdy «Qamshy» portaly.

«Fınam» ınvestısıalyq holdıńiniń sarapshysy Bogdan Zvarıch osy aptada munaı baǵasynyń quldyraıtynyn, soǵan saı apta sońyna qaraı ulttyq valúta da álsirep, bir dollar 350-360 teńgege deıin qymbattaıtynyn boljaǵan.

«Munaı saýdalaýshylar Brent markaly munaı baǵasyn 35,5 dollardan ustap qala alsa bul energıatasymaldaýshy naryǵynda baǵytty ózgertedi. Satý kúsheıip, «qara altyn» óndirisi azaıýy múmkin. Osy rette naryqta sheteldik valútaǵa suranys artady, ol dollardyń baǵamyn ósiredi. Bizdiń boljamymyzsha, apta sońyna qaraı AQSH dollary 350-360 teńge aralyǵynda saýdalanýy múmkin», - deıdi ol.

Sarapshy sondaı-aq, ótken aptanyń da teńge paıdasyna aıaqtalmaǵanyn aıtady. Aldyńǵy aptada dollar baǵamy 340 teńgeden 343 teńgege deıin kóterilgen bolatyn.

Forex Club sarapshysy Anatolıı Ahmetov ta shıkizat naryǵy úshin ótken aptanyń tabysty bolmaǵanyn aıtady. Jaqyn kúnderi munaı baǵasynyń da óse qoımaıtynyn aıtqan A. Ahmetov:

«Ortasha merzimdik perspektıvada munaı baǵasynyń 36 dollarǵa deıin tómendeýi múmkin. Mundaı jaǵdaıda qarjy naryǵynda AQSH valútasynyń baǵamy shamamen 347 teńgege jetedi», - deıdi.

Ahmetov naryqtaǵy jaǵdaıǵa AQSH-tyń shıki munaı qoryn jarıalaýy sheshýshi faktor bolatynyn aıtady.

«Alparı» ortalyǵynyń sarapshysy Anna Bodrova da bul aptada dollar baǵamynyń tómendemeıtinin aıtady.

«Dúısenbi kúni dollar-teńge juby 343,9 teńge deńgeıinde saqtaldy. Alǵashqy toqsan ulttyq valúta úshin jaman bolmady. Osy aptada dollar baǵamy 340-346 teńge, eýro baǵamy 385-395 teńge kóleminde bolýy tıis», - dep sanaıdy ol.

Buǵan deıin «Asyl-Invest» sarapshysy Aıvar Baıkenov ulttyq valútanyń budan ári nyǵaıýyna tolyq negiz bar ekenin, jaqyn kúnderi dollar 330-335 teńgeden, al, munaı barreli 45 dollarǵa kóterilse, 310-320 teńge bolýy yqtımal ekendigin aıtqan bolatyn.