20 sáýir kúni «Adyrna» ulttyq-etnografıalyq birlestigi» qoǵamdyq qorynyń uıymdastyrýymen Almatydaǵy Ǵ.Músirepov atyndaǵy balalar men jasóspirimder teatrynda Balýan Sholaq Baımyrzaulynyń jeke shyǵarmashylyǵynan dástúrli án kesh ótedi, - dep habarlaıdy «Qamshy» portaly.

 «Adyrna» ulttyq-etnografıalyq birlestigi» qoǵamdyq qory 2010 jyldan beri dástúrli án-kúı keshterin uıymdastyrýmen keledi. Birjan sal (2010), Aqan seri (2010), Muhıt (2011), Úkili Ybyraı (2012), Jaıaý Musa (2013), Sáken Seıfýllın (2014) ánderinen jeke-jeke konsertter, Táýelsizdik jolynda qurban bolǵan kompozıtorlar shyǵarmashylyǵy boıynsha «Azat rýhtyń aldaspandary» (2012) konserti, jylqy týraly ánder men kúılerge negizdelgen «Dúldúl án men pyraq kúı» (2014) atty konsertter sonyń dáleli.

«Uly dala daýylpazdary» jobasynyń aıasynda, «Adyrna» ulttyq-etnografıalyq birlestigi» qoǵamdyq qory 2016 jyly, 20 sáýir kúni Almatydaǵy Ǵ.Músirepov atyndaǵy balalar men jasóspirimder teatrynda Balýan Sholaq Baımyrzaulynyń jeke shyǵarmashylyǵynan dástúrli án keshin ótkizýdi josparlap otyr» delingen birlestik taratqan habarlamada.

Konsertte Balýan Sholaq ómirinen qysqasha qoıylym kórsetiledi. Belgili rejıser Esmuqan Obaevtyń «Jaýjúrek» spektalinen úzindi berilmek. Sahna kórkem Kókshetaýdyń ásem tabıǵaty úlgisinde bezendiriledi. Konserttiń taǵy bir basty ereksheligi – Balýan Sholaq babamyzdyń múlde beımálim ánderi tuńǵysh ret úlken sahnada oryndalatyn bolady. Án keshine Ǵalym Muhamedın, Jolaman Qujımanov, Ramazan Stamǵazıev, Erlan Tóleýtaı, Erkin Shúkimanov, Tileýles Qurmanǵalıev, Erkin Nurhanov, Talǵat Muqyshev, Saıan Aqmolda, Nurgúl Ákimqojına, Talǵat Ábýǵazy, «Arnaý» fólklorlyq ansambli, Saıat Nurǵazın, Jasulan Saqaev jáne taǵy basqa ónerpazdar qatysady. 

Uıymdastyrýshylardyń baılanys telefony: 87007779086, Jolaman Qujımanov 87773661210, Erlan Tóleýtaı 87013249471

El.poshta: adyrna@bk.ru