«Áleýmettik jelilerdi jabý kerek» degen usynystar qylań berip jatyr. Sonda kóp dúnıe ońalatyn sekildi. Adamdar jumys isteıdi, gazet-jýrnaldar oqylady, tipti, erkekter "uıaly telefonyna qaramaı qatynyna qarap jatyp" tátti uıqyǵa batady eken. Bálkim, jer satylmaı, jalǵa da berilmeı mamyrajaı tirlik ornap ta qalar. Jemqorlar jegenin qaıtaryp, qazyna tolatyn shyǵar. Ultan qul «dýrak» bakalavrlyq grantty 2000$-ǵa, magıstrlikti 5000$, PhD grantyn 10.000$-ǵa saýdalaýdan bas tartyp, JOO kafedralarynda Badamsha saqaýlardyń bydyńdaýy kúrt toqtatylyp, aıaq astynan joǵary bilimniń sapasy artyp shyǵa keler.

Sonyń arqasynda jýrnalıserdiń biliktilikteri men talanttary artyp, eldegi barlyq basylymdardy jurt dúńgirshekterdiń aldyndaǵy uzyn-sonar kezekke turyp, talasyp-tarmasyp satyp alatyn kún týar. Qazirgi bas redaktorlardyń bári mıllıarder medıa-magnatqa aınalar! Meıli, solaı-aq bolsyn, japsaq jabaıyq! 
Jýrnalıserge qaıdan da bir minber tabylar, aıtaryn aıtyp, jazaryn jazyp júre berer. Al, ınternet qoldanýshy qarapaıym halyq kókeıdegi oılaryn aıtý úshin alańǵa jınalsa ne isteımiz?!

Qýandyq Shamaqaıulynyń Feısbýktegi paraqshasynan alyndy