Áz-Naýryz kelip qaldy. Jaıma-shýaq kóktemniń 5 kúnin úkimet meıram dep belgiledi. Jańa jyldy ulan-asyr etip toılaıtyn bizder naýryzǵa kelgende tosyrqap qalatynymyz ras. Sebebi, meıram uıymdaspaǵan, shashyrańqy, "josparly" konserttermen ǵana shektelip qalady. Ulttyq jańa jylymyzdy "jetimqyzdyń" toıyndaı ótkizbeı, óz dárejesinde toılaý - siz ben bizdiń erkimizde. Sondyqtan, Astanalyqtar úshin merekelik kúnder kúntizbesin nazarlaryńyzǵa usynyp otyrmyz...
Mereke 21 naýryz kúni bastalady. Bul kúni saǵat 10.00 -16.00 «Qazaq eli» monýmenti aldyndaǵy alańda - halyqtyq serýen, teatrlandyrylǵan qoıylym ótedi. Keshke jaqyn merekelik konsertke jalǵasady dep kútilýde...
Naǵyz mereke kúni, ıaǵnı 22 naýryzda Astana qalasynyń barlyq alańdary jıyn, toıǵa toly bolady. Saǵat 10.00-16.00 qalalyq eski alańda jáne «Otan qorǵaýshylar» monýmentiniń aldyndaǵy alańda halyqtyq serýen men merekelik konsert, al «Kóktal», «Óndiris», «Prıgorodnyı», «Úrker», «Internasıonalnyı» turǵynúı alaptarynda saǵat 10.00-14.00 halyqtyq serýen men merekelik konsert ótedi.
«Atameken» Qazaqstan kartasy» etno-memorıaldyq kesheni de óz kelýshilerin Naýryzben quttyqtaıdy. Munda «Naýryz meıramy» is-sharasy 10.00 de bastalady.
Saǵat 11.00 «Dýman» oıyn-saýyq kesheninde múgedek jáne jetim balalarǵa arnalǵan is-shara ótedi.
Al, saǵat 16.00 Beıbitshilik jáne Kelisim saraıynda Qazaqstannyń óńirlerinen kelgen shyǵarmashylyq ujymdardyń konserti ótedi. Merekeniń sharyqtaýy saǵat 19.00 qalalyq alańdaǵy merekelik konsert pen jastarǵa arnalǵan bı keshi bolady.
23 naýryzda «Qazaqstan» OKZ saǵat 17.00 qazaqstandyq estrada juldyzdarynyń qatysýymen qaıyrymdylyq konsertimen erekshelenbek.
Al, 24 naýryz kúni saǵat 19.00 Kongres-hollǵa barsańyz «Aldaraspanǵa», «Qazaqstan» OKZ bara qalsańyz, Seken Turysbekovtiń «Aq jaýyn» orkestriniń konsertine týra túsesiz.
25 naýryzda Kongres-hollda Perızat Turarovanyń jeke konserti, al 26 naýryzda saǵat 19.00 Kongres-hollda «Nur sáýlem-aı» ansambliniń merekelik konserti. Kongres Hol tóri bosamaıtyn qutty shańyraq ekenin osydan aq uǵa berseńiz bolady.
Budan basqa, tolyp jatqan merekeler "Han Shatyr", "Kerýen" sekildi oıyn saýyq ortalyqtarynda da óte beredi. Biz tek úlken úlken merekelik sharalarǵa ǵana toqtaldyq. Astanada kún jyly bolsa, aspan ashyq bolsa mereke emes jaı kúnderdiń ózi keremet ótetinin eskersek, mundaı meıram kúnderi arý qalamyz tipti jaınap turady jep sendirgimiz keledi. Barshańyzǵa sátti demalys kúnder tileımin, Naýryz qut berekesimen kelsin!
Nazerke Sultanbek,
QR Kúres federasıasynyń baspasóz hatshysy
