Qazaq estradasynyń ánshisi Qaırat Nurtas «Praım-Plaza» SOSO mańynda bolǵan oqıǵaǵa qatysty sot otyrysyna kelmegeni úshin jaýapqa tartylatyn bolady. 

 Belgili bolǵandaı, ol bul kúni Shymkent qalasynda konsert bergen eken. Bul jóninde ánshiniń prodúseri ári anasy Gúlzıra Aıdarbekova málim etti. Onyń aıtýynsha, qalalyq sottan oǵan 14 naýryzda habarlasqan, alaıda bıletterdiń jartysynan kóbi satylyp ketkendikten konsertti toqtatyp, Almatyǵa kelý múmkin bolmapty. «Qazir Qaırattyń bos ýaqyty joq, kúnde elimizdiń ár qalasynda konsertteri josparlanǵan. Sotqa kelmegeni úshin jaýapkershilik týraly bizdi eshkim eskertken joq», - dep otyr G.Aıdarbekova. Esterińizge sala keteıik, keshe Almaty qalalyq sotynan Qaırat Nurtas pen «Habıbýllına» JK basshysy sotqa qurmet kórsetpegeni úshin jaýapqa tartylatyny habarlandy. Prokýror 15 kúnnen keıin sáıkes shara qoldanatyn bolady. http://bnews.kz

---