Jambyl oblysynyń basshylyǵy óńirdegi sý tasqynyna qarsy sharalardy qatań baqylaýǵa aldy. Búginde barlyq sý qoımalary boıynsha sýdyń jınalýy 60-70%-dy quraıdy.
«Qazirgi tańda sý tasqyny qaýpin joıý boıynsha barlyq sý qoımalary men bógenderde táýlik boıy kezekshilik uıymdastyryldy. Sondaı-aq Jambyl oblysy boıynsha tótenshe jaǵdaılar jónindegi departament kún saıyn aqparat berip otyrady. Tótenshe jaǵdaıdy aldyn alý maqsatynda 9 dana qajetti tehnıka satyp alyndy», - delingen habarlamada.
Óńirde bıylǵy jyldyń 6 naýryzynda «Kóktem-2014» oqý-jattyǵýy ótti. Buǵan Qyrǵyzstan Respýblıkasy Talas oblysy boıynsha TJM Basqarmanyń jedel toby da qatysty. «Bıyl oblys búdjetinen 300,9 mln teńge qarajat bólinip otyr. Bul aqsha 10 sý qoımasy men bógendi, sondaı-aq 49 kanal men gıdrotehnıkalyq jabdyqtardy aǵymdaǵy jóndeýden ótkizýge jumsalady. Sonymen birge, TJ-ny joıý men eskertýge oblys boıynsha 150,0 mln teńge somasynda qarajat qarastyryldy», - dep atap ótilgen habarlamada. Habarlanǵandaı, búginde Taraz qalasy men aýdan ákimdikteriniń barlyq kúshteri men quraldary bolyp qalýy múmkin sý tasqyny qaýpin joıýǵa tolyǵymen daıyn. JJM, ınertti jáne basqa da materıaldardyń jetkilikti qory jasaldy. Atap ótsek, Jambyl oblysynda 117 sý qoımasy men bógen bar.BNews.kz
