Fransýz jýrnalısi lańkesterdiń lagerine kirip, úsh aı boıy olardy jasyryn kameraǵa túsirgen. Telerama basylymynyń málimetinshe, DAISH atynan teraktiler jasaýdy josparlaǵan jas sodyrlar týraly "Allanyń sarbazdary" atty fılm búgin, 2 mamyrda kórsetiledi dep josparlanǵan, - dep habarlaıdy Qamshy.kz portaly Tengrinews.kz saıtyna silteme jasap.

Fransýz lagerde Saıd Ramzı degen laqap atpen júrgen. DAISH sodyrlarymen baılanysqa ol áleýmettik jeliler, onyń ishinde Telegram arqyly túsipti. Osydan keıin reporter motıvteri men oılaryn túsiný úshin alty aı boıy lańkesterdiń senimine kiripti. 

"Men musylmanmyn. Árbir jasalǵan shabýyl meniń jeke ómirime barǵan saıyn qatty áser ete bastady", - deıdi Ramzı. Onyń aıtýynsha, lagerdegilerdiń burynǵy ómiri ońaı bolmaǵan. Olar "adasqan, shatasqan, sýısıd jasaýǵa nıetteri bar, aıdap salýǵa erip ketetin jastar" eken, olardyń isinde álemdi jaqsartýǵa nıet bolmaǵan, dep keltiredi onyń sózin RIA Novostı.

Ramzıge taıaýda Fransıadaǵy túngi klýbtardyń birine jasalatyn shabýyldyń jospary berilgen. Alaıda, abyroı bolǵanda, bul top baqylaýda bolyp, qazirgi ýaqytta onyń músheleri qamaýǵa alynǵan bolýy múmkin. 

Eske salaıyq, 2015 jyldyń 13 qarashasynda Parıjde birneshe terakt bolǵan edi. Onyń saldarynan 130 adam qaza tapty, 350-den asa adam zardap shekken. Shabýyldarǵa DAISH (Qazaqstanda tyıym salynǵan) jaýapkershilik aldy.