Almatyda jumbaq jaǵdaıda joǵalǵan Asfendıarov atyndaǵy QazUMÝ-diń stýdenti kameraǵa túsip qalǵan, - dep habarlaıdy KTK telearnasy. 

Ýnıversıtettiń besinshi kýrsynda oqıtyn Sanjarbek sáýirdiń 29-nan 30-na qaraǵan túni dostarymen týǵan kúnin toılapty. Túngi saǵat 2 jarym shamasynda Qurmanǵazy kóshesi men Esentaı ózeniniń qıylysqan tusynda kólikti toqtatyp, syrtqa shyǵyp, sol kúıi ushty-kúıli joǵalǵan bolatyn.. Tek onyń temir qorshaýdan ózen ańǵaryna qaraı qulap túskeni jaqyn mańdaǵy beınebaqylaý kamerasyna túsip qalypty. Biraq ózen arnasyn súzip shyqqan súńgýirler onda adam denesin taba almady. Sóıtip, aıaqasty joǵalǵan stýdent ne sýdan, ne jerden tabylmaı jatyr. Polısıadan bólek, týǵan-týysy men birge oqıtyn kýrstastary búgin úshinshi kún qatarynan Sanjarbekti izdep búkil qalany sharlap júr.

Arzıevtiń birge oqıtyn dosy Erkebulan Nurbolatovtyń aıtýynsha, ol ony joǵary jaqqa ketip qalǵan dep oılaǵan. "Dereý Vesnovkamen Abaı kóshesine qaraı kóterilip, kelesi betimen tústik tómen qaraı. Sol júrgizýshi bala ekeýmiz mynaý tómen qaraı baryp, kórip keldik. Ol jaqta bolǵan joq. Sosyn oıladyq, taksı ustap úıine ketip qalǵan shyǵar dep biz mashınaǵa otyrdyq ta ketip qaldyq", - dedi ol.