Tarazda 22 jastaǵy azamat kásipker áıeldi tonap qashqandardyń sońynan qýyp jete bergende, oǵan baýkespelerdiń biri tapanshamen atyp sulatyp túsirgen. Oq Jandos Toqtasynnyń aıaǵyna tıipti, - dep habarlaıdy KTK arnasy.   

"Úıimnen shyqtym, úıimniń aldynda eki jas bala otyr eken. Jaqyndap nege otyrsyńdar dep surap edim, moıynymnan qylqyndyryp, tapansha taqady. Sol mezette qolymdaǵy sómkemdi julyp alyp qashyp ketti", - deıdi zardap shegýshi áıel.

Eki jigit kásipker áıel úıinen shyǵa bergende sómkesindegi 2 jarym mln teńgesin alyp, taıyp turǵan. Janushyra aıqaılaǵan kelinshektiń daýysyn sol mańnan ótip bara jatqan Jandos estip, qaraqshylardyń sońynan qýa jóneledi. Urylarǵa jete bergende, oǵan bireýi oq atyp sulatyp túsirgen.

Osy mezette tártip saqshylary da shuǵyl jetip, 56 jastaǵy áıeldi tonaǵandardy oqıǵa bolǵan jerden uzatpaı ustaǵan. Qazir tergeý amaldary júrgizilýde. Al erlik jasaǵan azamattyń úıine İshki ister basqarmasynyń basshylyǵy arnaıy baryp, alǵystaryn jetkizdi. Endi Jandosty arnaıy marapatqa usynbaq.