Qazaqstan altyn men almaz jáne ózge de baǵaly metaldar kenishin aýksıon arqyly satqaly jatyr. Jalpy satylymǵa 101 jer telimi shyǵarylady. Olardyń qatarynda altynnan bólek mys, marganes jáne ózge de túsi metal kenishteri bar dep  habarlaıdy Qamshy portaly Informburo.kz. saıtyna silteme jasap. 

Qazaqstanda jer qoınaýyn aýksıon arqyly satý sharasy aǵymdaǵy jyldyń 16 maýsymyna josparlanǵan. Aýksıon Halyqaralyq taý-ken-metallýrgıa kongresi aıasynda júrgiziledi delingen Kongrestiń resmı saıtynda.

Bássaýdaǵa shyǵarylatyn 101 lottyń ishinde jer betinde sırek kezdesetin metaldar men baǵaly tastardyń kenishteri de bar. Atap aıtqanda, almaz, lıtıı, altyn, marganes, qalaıy, mys, temir jáne ózge de baǵaly metaldar.

Aýksıonda kim joǵary qun usynady - sol jeńedi. Birinshi bolyp Aqmola oblysyndaǵy "Komsomolskıı" altyn kenishi saýdaǵa shyǵarylmaq. Onyń bastapqy baǵasy - 9 436 000 teńge. Al, sırek kezdesetin metaldar men SQO-daǵy "Qaratal" almaz kenishiniń eń bastapqy baǵasy 280 AEK-ten kem bolmaýy tıis. Aýksıonǵa qatysýǵa ótinim berý 2016 jyldyń 26 mamyryna deıin jalǵaspaq.

Aýksıonda jeńiske jetip, jer qoınaýyn ıelengen azamatqa mindetti salyq tólemderi júkteledi jáne 30 táýlik ishinde kelisilgen qarajattyń 50 paıyzyn tóleýi tıis.