Ál-Farabı atyndaǵy Qazaq ulttyq ýnıversıtetinde BUU «Akademıalyq yqpaldastyq» baǵdarlamasynyń Jahandyq haby retinde Ortalyq jáne Ońtústik Azıa aýmaǵyndaǵy «BUU Jańa Jibek joly modeli» (MUN-NSW 2016) atty iri halyqaralyq stýdenttik konferensıasy ótti, - dep habarlaıdy Qamshy.kz.
Atalmysh model BUU-nyń Ortalyq Azıa aýmaǵyndaǵy eń iri modeli bolyp tabylady. Jastar forýmy Qazaqstan Respýblıkasy táýelsizdiginiń 25-jyldyǵy men elimizdegi BUU qyzmetiniń 25-jyldyǵyna arnaldy. Konferensıaǵa Úndistan, Pákistan, Aýǵanstan, Tájikstan, Qyrǵyzstan, Ózbekstan elderiniń delegattary, sondaı-aq AQSH, Italıa, Fransıa jáne t.b. elderdiń stýdentteri qatysty. Delegasıanyń basym bóligin Qazaqstannyń ár aımaǵynan kelgen stýdentter qurady.
Merekelik plenarlyq otyrysta BUU ókilderi, shetel elshilikteriniń dıplomattary, Almaty qalasynyń jáne ál-Farabı atyndaǵy QazUÝ ákimdigi jastarǵa úndeý tastady.
Ýnıversıtettiń Birinshi prorektory Muhambetqalı Búrkitbaev BUU Modeliniń ótkizilýin 2015 jyldyń qyrkúıegindegi Nú-Iorktegi BUU-nyń shtab-páterinde BUU Bas Assambleıasynda N.Á.Nazarbaevtyń mańyzdy bastamalary qaralǵan «Turaqty damý maqsattary» deklarasıasyna qol qoıylǵan kúndermen sáıkes kelýiniń mánin erekshe atap ótti.
Halyqaralyq «Bolashaq» baǵdarlamasynyń burynǵy basshysy Saıasat Nurbek ýnıversıtettiń BUU Modelin ótkizý jónindegi bastamasyna qoldaý kórsetti. Stýdentterge úndeý tastaı otyryp, ol árbir adam óz ómiri men álemniń beınesin ózi salady dedi. BUU Modeli sıaqty forýmdar kıkiljiń men túsinispeýshilikterdi jeńip, álemge meıirimdilik, dostyq pen ádilettiliktiń reńin ákeletinin aıtyp, jıynnyń negizgi keıpin asha tústi.
BUU Turaqty úılestirýshisi Norımas Shımomýra myrza óz sózinde: «Jastar forýmy BUU-nyń turaqty damý máseleleri boıynsha ótken Samıtte qalyptasqan Damýdyń 17 maqsatyn damytýǵa baǵyttalǵan», -dedi. Kún tártibindegi dinı azshylyqtardyń mádenı alýantúrlilik retindegi ıntegrasıasy; halyqaralyq aqparattyq qaýipteriniń aldyn alýdyń jańa konsepsıalary; TDM-10 aıasynda el ishindegi jáne elder arasyndaǵy baılyqtardyń durys bólinbeýi; reprodýktıvti densaýlyq salasyndaǵy seksýaldyq jáne genderlik zombylyqtyń áseri; damýshy elderdegi óndiristik qaýipsizdik sıaqty taqyryptardyń ózektiligin maquldady. Shımomýra myrza BUU Modeli turaqty álemdi qurýǵa teńdessiz kómek kórsetetinine degen úmitin bildirdi. Ońtústik Afrıka Respýblıkasynyń elshisi Shırın Sonı myrza sóz sóılep jatqan kezde júzdegen stýdentter onyń buıryǵy boıynsha qoldaryn kóterip, saltanatty túrde BUU qaǵıdalary men qundylyqtaryn únemi qoldaıtyndyǵy jóninde saltanatty túrde ant berdi. Sondaı-aq Italıa elshisi Stefano Ravanán, Fransıa elshisi Frensıs Eten quttyqtaý sózderimen ortaǵa shyqty. Olar álemde kóptegen qaqtyǵystar, soǵystar men tragedıalar oryn alyp jatqanda, BUU platformasy birliktiń, ózara túsinistik pen kelisim mekenine aınalǵandyǵyn atap ótti.
AQSH-tyń Almaty qalasyndaǵy Bas konsýly Mark Mýdı birneshe jyldar boıy AQSH úkimetiniń qoldaýymen ótip jatqan forýmnyń mańyzdylyǵyn atap ótti. Stýdentterdiń turaqty damý qundylyqtaryn únemi qoldaıtyndyqtaryna úlken úmit artty.
BUU Almatydaǵy qoǵamdyq departament dırektory Vlastımıl Samek myrzanyń BUU Bas hatshysy Krıstına Gaıaktyń qoly qoıylǵan QazUÝ-dyń BUU «Akademıalyq yqpaldastyq» Baǵdarlamasynyń Ǵalamdyq Haby retindegi quzyrettiliginiń merzimin uzartý týraly BUU sertıfıkatyn tabystaý rásimi saltanatty túrde ótti.
Konferensıa qonaǵy, BUU Rım Modeli prezıdenti Roberto dı Gelovanı myrza: «BUU Jańa Jibek joly Modeli stýdenttik konferensıasy» – álemniń jas azamattaryna arnalǵan adamzattyń jahandyq máselelerin sheshýge arnalǵan modeli», - dedi.
Úsh kún ishinde stýdentter BUU memleketteriniń tolyqqandy quziretti delegattary rólinde oı bildirdi. Ashyq túıtkildi pikirtalastar arqyly olar ózderi usynyp otyrǵan memlekettiń ulttyq qyzyǵýshylyqtaryn qorǵady. Turaqty damýdyń 17 maqsatyn iske asyrýǵa degen keńesterden turatyn qorytyndy qujat – qarar qabyldaý is-sharany qorytyndylady.
