«Qazaqstan arý-2014» atanǵan Regına Vandysheva qazirgi erlerdiń ómirge jeńil kózqaraspen qaraıtynyn aıtyp, jazba jazdy.

Regına Instagram paraqshasynda jazǵan postyn shynaıy fılosofıalyq oıly jazba dep baǵalaıdy.

«Eń bastysy, erkektiń adaldyǵy. İshpeıtin, shekpeıtin  bolsa, qyzdar jaqsy kóredi jáne qurmetteıdi», - deıdi Regına Vandysheva.

Vandyshevanyń sózinshe, ol ózi týraly jaǵymsyz áńgimelerdi estigen.

«Men ózime qatysty kóp jaǵymsyz áńgimelerdi estımin. Syrtymnan tym jasampaz, erke, jeńiltek dep aıtady.  Adamdar sýretke qarap ta qorytyndy shyǵaryp, oı aıta beredi. Olaı bolmaıdy ǵoı. Kóp bilip, az talqylaý kerek dep jatady emes pe? Men ózime 100% senimdimin. Adaldyq pen kishipeıildilik adamdy, ásirese qyz balasyn ádemi kórsetedi», - deıdi Vandysheva.

Eks-arý ary qaraı sózin qazirgi erkekter týraly áńgimesimen jalǵady.

«Erkekter týraly... Sizder qalaı bir qyzdan ekinshi qyzǵa ketesizder, ózin jaqsy kórgendi unatasyzdar... Lastyqtyń sheberisizder! Ózimshil, ózin ǵana súıetin, ózine ǵana senimdi... Sonymen qatar, «Bizge, erkekterge bári bolady, biz minsizbiz» dep oılaısyzdar», - deıdi Regına.

 «Qalaı degende de, bizdiń ata-ájelerimizde basqasha mahabbat, baǵaly, shynaıy, taza sezim boldy. Munda, Pıterde qart adamdardyń qol ustasyp serýendegenin tamashalaǵan keremet. Olar ómir boıy bir-birinen eshqaıda ketpeı, ómiriniń sońyna deıin birge kele jatyr...» dep qyzyǵady Regına.

Osy jazbadan keıin Regına Vandyshevanyń oqyrmandary qyzý pikirtalasta boldy. Keıbiri arýdyń aıtqandarymen kelisse, endi bireýleri erlerge joǵary talap qoıatynyn aıtyp jatyr.

Al qazirgi erlerge kóńili tolmaıtyn Regına jeke basyna qatysty er adamǵa qoıatyn talaptary týraly ázirge tis jarmady.