Ońtústik Qazaqstan oblysynda «Bereke korporasıasy» kompanıasynyń bir top jumysshylary 6 aı boıy atqarǵan jumystarynyń tólemaqysyn ala almaı otyrǵandaryna qatysty shaǵymdandy, - dep habarlaıdy Qamshy.kz  31 arnaǵa silteme jasap.

Al atalmysh kompanıanyń ókilderi bolsa, barlyq kinárat aldymen jumys aýqymyn jasatyp alyp, keıin aqsha tóleýden jaltaryp otyrǵan basqa mekemeniń áreketinde dep otyr.

Kópir men jol qurylysynda eńbek etip, mańdaı terimen tapqan nápaqasyna qol jetkize almaı otyrǵan bir top jumysshy Ońtústikte shý kóterdi. Olardy ózderi eńbek etetin shymkenttik «Bereke» korporasıasynyń basshylyǵy qaryz mekemege ertip kelgen. Aıtýlarynsha, qomaqty jumys aýqymyn jasatyp alǵan kompanıa, olarǵa aqsha tóleýden jaltarǵan.

«2013 jyldan 2016-ǵa deıin alǵanda «AKM Planým» mekemesi 84 mıllıon teńge, al «AKM Jol» degeni bar, solardyń dochernáá mekemesi, sony qosqanda jalpy somasy 150 mıllıon teńge qaryz» deıdi «Bereke Korporasıasy» JSHS zańgeri Dáýrenbek Artyqbaev.

«Bereke» jumysshylary aqsha tóleýden jaltarǵan  kompanıanyń isinen habardar ekendikterin aıtady. Alaıda munda jınalǵan olar alty aı boıyna atqarylǵan adal eńbektiń tóleminen negizsiz jaltarǵandardy kózben kórgimiz keldi deıdi. Onyń ústine jaltarýshy mekeme sot oryndaýshysyn da sanyn soqtyryp, esepshotyn kúnde aýystyratyn kórinedi. 

Ordabasy aýdanynda asfált zaýytyn ornatyp, jol salýshy «AKM Planým» mekemesine «Berekeniń» jumysshylary kelip shý kóterýde degendi estigennen keıin be, olardyń ókilderi tez tabyla qoıdy. Aqshany tóleýden jaltarmaımyz, sot sheshimin oryndaýǵa mindettimiz, tek keste túzip, bólip tóleıtin bolamyz degendi kesip aıtty.

«Iá, kelimemin. Ras, biz qaryzbyz. Belgli bir merzim berilgen. Biz qaryzdan qashpaımyz. Tek bizge jumys kólemin anyqtap, esepteýge biraz ýaqyt kerek» deıdi «AKM Planým» JSHS joba jetekshisi Muhıt Baımaǵanbetov.

Úlken kólemde qurylys jasatyp, qaryzyn bermegen kompanıanyń bul ýádesine azamattar kúmánmen qarap otyr. Sebebi mundaı sózdi buǵan deıin de estigenbiz deıdi. Ókildigi osynda, al basshylyǵy Astanada ornalasqan qaryz mekeme qazir Temirlanda jol tóseýde eken. Sondyqtan, jumys aýqymy bitkenshe bermese, keıin joq bolady ma dep qaýiptenip otyr shaǵymdanýshylar.