1993 jyldan beri júzege asyrylyp kele jatqan «Bolashaq» halyqaralyq stıpendıasymen bilim alǵandardyń qatarynda búginde belgili sheneýnikter de bar. Baǵdarlama boıynsha álemniń 33 elindegi 200 úzdik joǵary oqý ornynda oqý úshin osy kúnge deıin 11 126 qazaqstandyqqa stıpendıa taǵaıyndalǵan. Olardyń birqatary búginde elge oralyp, túrli salada qyzmet etýde.
Qamshy.kz portaly «Bolashaq» baǵdarlamasymen oqyp kelgen birqatar sheneýniktiń tizimin usynady.
QÝANDYQ BISHIMBAEV
Ulttyq ekonomıka mınıstri
1980 jylǵy 11 sáýirde Qyzylorda qalasynda dúnıege kelgen. Akademık, ekonomıka ǵylymdarynyń kandıdaty. «Bolashaq» baǵdarlamasynyń túlegi (Dj. Vashıngton ýnıversıteti, Vashıngton, AQSH, 2001 jyl). «Bolashaq» Qaýymdastyǵynyń Keńesiniń tóraǵasy.
BAÝYRJAN BAIBEK
Almaty qalasynyń ákimi
Almaty qalasynda 1974 jylǵy 19 naýryzda dúnıege kelgen. Saıası ǵylymdardyń kandıdaty. «Qurmet» memlekettik ordenimen marapattalǵan. «Bolashaq» baǵdarlamasynyń túlegi (Lúbek qalasynyń Joǵary mektebi, Germanıa, 1998 jyly).
ALTAI KÓLGİNOV
Batys Qazaqstan oblysynyń ákimi
1978 jyly týylǵan. «Bolashaq» baǵdarlamasy boıynsha Ulybrıtanıanyń Aberdın ýnıversıtetinde (halyqaralyq komersıalyq quqyq) bilim alǵan.
ǴABIDOLLA ÁBDİRAHYMOV
Shymken qalasynyń ákimi
Ońtústik Qazaqstan oblysynyń Kırov aýylynda 1975 jylǵy 23 qańtarda dúnıege kelgen. «Bolashaq» baǵdarlamasynyń túlegi (Universität Freiburg, Germanıa, 1998 jyly).
SERİK SAPIEV
"Astana arlans" Qazaqstan boks klýbynyń bas dırektory
Abaı qalasynda (Qaraǵandy oblysy) 1983 jyly 16 qarasha kúni dúnıege kelgen. Olımpıada chempıony (London, 2012), Boksshy, álem chempıony (2005 jáne 2007). «Bolashaq» baǵdarlamasynyń túlegi (Brýnel ýnıversıteti, Ulybrıtanıa, 2014).
ERLAN ÁÝKENOV
Almaty qalasy ákiminiń orynbasary
Almatyda 1984 jylǵy 5 qyrkúıekte dúnıege kelgen. «Bolashaq» baǵdarlamasynyń túlegi (University of Bradford, Ulybrıtanıa, 2007). Sondaı-aq, «Korporatıvtik menedjment» mamandyǵy boıynsha Halyqaralyq bıznes akademıasyn aıaqtap, MVA dárejesine qol jetkizgen.
MAǴJAN ÁÝEZOV
Qazaqstan qarjygerler qaýymdastyǵy keńesiniń tóraǵasy
Almaty qalasynda 1975 jylǵy 28 qarashada dúnıege kelgen. «Bolashaq» baǵdarlamasynyń túlegi (Georgetown University, AQSH, 1996 jyly).
