Ándijandaǵy meshit qyzmetkerleri pitir-sadaqadan jáne dinı basylymdardy jazdyrýdan túsken 173 mıllıon sýmdy (27 myń dollar) talan-tarajǵa saldy dep aıyptalýda. Sońǵy birneshe jyldaǵy qarjylyq talan-tarajdy býhgalterlik tekserý anyqtaǵan, - dep habarlaıdy Qamshy.kz centralasian.org-ke silteme jasap.

«Holıd ıbn Valıd» meshitiniń qyzmetkerleri kelýshilerden «Hıdoıat» («Aqıqat joly») jáne «Islom nýrı» («Islam nury») basylymdaryna jazylýdy suraǵan jáne aqshany qolma-qol ózderi jınaǵan. Odan bólek, meshitke kelýshilerden zeket pen pitirge aqsha alǵan.

Tekserýshilerdiń biriniń aıtýynsha, túbirtekter jazylyp otyrǵanymen, 173 mıllıon sým býhgalterlik dápterge jazylmaǵan jáne banktegi esepshotqa túspegen. meshit qyzmetkerleri aqshany meshit ǵımaratyn jóndeýge jumsaǵandaryn aıtýda. Jáne túsken aqsha boıynsha qujat toltyrmaǵan burynǵy býhgalterdi kinálaıdy.

Keı derek boınysha, meshitke túsetin qarjynyń jyldyq kólemi 100 mıllıon sýmnan (shamamen 15,5 myńAQSH dollary) asady. Jergilikti turǵyndar meshit ımamynan aqshanyń rasymen de jóndeýge jumsalǵanyn dáleldeýdi talap etýde.

– Aqshanyń eshqandaı jóndeýge jumsalmaǵany aqymaq janǵa da túsinikti. Olaı bolǵan jaǵdaıda, kelýshilerge juma namazy kezinde bir aýyz aıtar edi. Qarjyny qaltasyna basqandar jaýapqa tartylýy kerek, – deıdi namazhandardyń biri.