Dıdar Aıapov esimdi Feısbýk qoldanýshysy elimizge tanymal Ersin Ámire, Arman Qýanyshbaev, Ábdiǵappar Smanov syndy din nasıhatshylaryna jaqyn ýaqytta pir tabýǵa keńes berdi, - dep habarlaıdy Qamshy.kz.

«Sizderge arab elderinde oqyp, ilim alǵandaryńyzben ıhsan, tassavýf ilimin almaı pasyq bolyp qala beretinderińizge kýálik beremin. Sondaı-aq, osy kúnge deıin Sizderdiń bir pirge qol berip, sonyń ıhsan iliminde tárbıe almaǵandaryńyzǵa da kýálik beremin», - degen ol moldalarǵa qandaı tarıqattan bolsyn pir tabýǵa keńes berdi.

«Pirsizdiń piri – shaıtan» degen qazaq sózin alǵa tartqan D. Aıapov aty atalǵan azamattardy ıhsan ilimin ıgermegen, nápsilerin tárbıelemeıdi, ata-baba jolynan alshaq salafıa aǵymyn nasıhattaıdy dep aıyptaıdy. Budan basqa din men dúnıe jaratylysyna qatysty basqa da máselelerge baılanysty oılarymen bólisedi vıdeo úndeý avtory.

D. Aıapovtyń bul aıtqandaryna jeli qoldanýshylary túrlishe pikir bildirýde.