Qostanaı oblysynyń prokýrory qyzmettik kólikpen fıtnes-klýbqa baratyny týraly vıdeo jarıalandy, - dep habarlaıdy Qamshy.kz tengrinews.kz – ke silteme jasap.

Saıttyń jazýynsha oblys prokýrory Marat Qaıypjanovtyń qyzmettik kólikpen fıtnes-klýbqa baratyny, al, onyń orynbasary Bolat Chelıkenovtiń qyzmettik kóligi mektepten bala tasıtyny túsirilgen vıdeo YouTube jelisinde jarıalanǵan. Eki vıdeodaǵy oqıǵa da jumys ýaqytynda túsirilgen.

Oblystyq prokýratýra osy máselege oraı túsinik berip, onda prokýrordyń qyzmettik kólikpen fıtnes-klýbqa baratynynda eshqandaı zań buzýshylyq joq ekeni aıtylǵan. Apparat jetekshisi Asqat Ibraev daıyndaǵan jaýap hatta «Prokýratýra orgnadarynyń birińǵaı quqyqqorǵaý organdary júıesine enetini jáne onyń qyzmetkerleri udaıy dene daıyndyǵymen aınalysý kerektigi, sol úshin de oblystyq prokýratýra basshysy qyzmettik reglamentte kórsetilgen ýaqytta sportpen shuǵyldanatyny, al, sport ortalyǵyna óz qaltasynan qarjy tóleıtini» jazylǵan.

Al, ekinshi vıdeo keıipkeri M. Chelıkenovke qatysty jaýap hatta onyń eńbek demalysyn Reseı Federasıasy aýmaǵynda ótkizip jatýyna baılanysty eshteńe aıtylmaǵan.