Búgin Bilim jáne ǵylym mınıstrligi bilim jáne ǵylym salasyndaǵy baqylaý jónindegi komıtetiniń tóraǵasy Saıat Núsipov osylaı dep málimdedi. Bul týraly Qamshy.kz habarlaıdy.
Onyń aıtýynsha, bıyl orta mektepti barlyǵy 121091 túlek bitirse, onyń 83330-y qazaq tilinde oqyǵan balalar. Bul túlekterdiń 86991-i Ulttyq birińǵaı testileýge qatysady. Olardyń ishinde synaqty qazaq tilinde tapsyratyn talapkerler sany 63021 adamdy quraıtyn kórinedi.
Komıtet tóraǵasy UBT 2-15 maýsym aralyǵynda arnaıy jabdyqtalǵan 166 pýnkte ótetinin habarlady.
Synaqtyń ádil de tosyn jaıttarsyz ótýi úshin baqylaý kúsheıtilip, testileý ortalyqtaryna 2250 beınebaqylaý kamerasy ornatylmaq eken. Budan bólek uıaly baılanys quraldarynyń sıgnaldaryn basatyn 1399 arnaıy qural, 438 metal izdegish te ázir turǵan kórinedi.
Mınıstrlik ókili bıylǵy túlekter úshin 31700 memlekettik bilim grantynyń bólingenin de aıtty.
Osy oraıda S. Núsipov bıyl mektep túlekterine arnalǵan UBT burynǵy formatta sońǵy ret tapsyrylatynyn, keler jyldan bastap mektep bitirý synaqtary men oqýǵa túsý emtıhandary eki bólek ótetinin jetkizdi.
