Astanada ótip jatqan jer komısıasynyń alǵashqy otyrysynda aqyn Muhtar Shahanov jerdi shetelge jalǵa berýdi de toqtatý kerek degen málimdeme jasady, - dep habarlaıdy Qamshy.kz.

Aqyn jer máselesiniń búgin óte qatty ýshyǵyp otyrǵanyn basa aıtty.

«Qazir halyqtyń jaǵdaıy nashar, osyny eskerý kerek. Jer satylmaıdy dep sóz bergen depýtattar kezinde. Biraq satylyp jatyr. Al, búgingi narazylyq eldiń múddesi úshin bolyp jatyr. Eshkim ataq úshin júrgen joq. Men elý eldiń nagradasyn alǵan adammyn. Onyń barlyǵyn taqsam, shalbarymda da oryn qalmaýy múmkin. Maǵan eshqandaı ataq-abyroı kerek emes. Jer – anamyzdyń anasy, babamyzdyń babasy. Jerden aırylsaq, eshteńemiz qalmaıdy. Sol úshin jerdi shetelge satqandy da, jalǵa bergendi de toqtatý kerek. Men depýtat bop júrgende kóp jer arabtarǵa berilip ketti. Sonyń barlyǵyn sheship, kún tártibine qoıý kerekpiz. Jerdi jalǵa bersek, tek óz azamattarymyzǵa berý kerekpiz. Biz buǵan túgeldeı qarsymyz», - dedi Muhtar Shahanov.

Aqyn óz sózinde sondaı-aq búginde belsendi túrde kóterilip jatqan úsh tuǵyrly til bastamasyna da narazylyq bildirdi.