Elimizde 2 jyldan soń barlyq járdemaqylar alynyp tastalady, - dep habarlaıdy Qamshy.kz KTK arnasyna silteme jasap.

Óıtkeni, onyń ornyn jańadan engiziletin áleýmettik tólemder almastyrmaqshy. «Órleý» jobasyn tanystyrǵan Densaýlyq saqtaý mınıstrligi bul turǵyndardy «kedeıshilikten qutqarady» dep sendirip otyr.

Sheneýnikterdiń sózinshe, bul aı saıyn tólenetin járdemaqy eken. Tek, joq-jitik otbasylar, kóp balaly analar men múgedekterdi burynǵydaı bólip jarmaı barlyǵyna birdeı aı saıyn qaıtarymsyz aqsha tóleıdi. Onyń kólemi ár oblystyń ekonomıkalyq jaǵdaıyna baılanysty. Desek te, úlestirletin teńge shamamen 13 myńnyń aınalasynda bolmaq. Ári áleýmettik álsiz toptardan bólek, aıaq-qoly saý azamattarǵa da járdemaqy alýǵa múmkindik bar. Tek, shart boıynsha olardyń otbasylyq tabysy rasynda tómen bolýy tıis. Sonda ǵana kómek kórsetilip, tipti, memleket jumys taýyp berýge de daıyn. Biraq, azamat sol usynylǵan jumysqa turýy kerek. Áıtpese, járdemaqydan qaǵylady.

-«Órleý» jobasy qazir barlyq oblystarda synaq retinde júrgizilip jatyr. Ol úshin búdjetten 1 jarym mıllıard bólingen.Bıyldyqqa 13 myńǵa jýyq adamǵa kómek kórsetildi, - deıdi QR Densaýlyq saqtaý jáne áleýmettik damý vıse-mınıstri Svetlana Jakýpova