Persevka aýylynyń turǵyny Rýdnyı qalasynyń bilim berý bóliminen mektep dırektory tarapynan seksýaldyq qysym kórgeni úshin 7 mıllıon 463 myń 641 teńge talap etti, - dep habarlaıdy Qamshy.kz.
Qostanaı oblysynyń turǵyny Anna Beloýsovanyń shaǵymy BUU-nyń Áıelderge qatysty kemsitýdi joıý jónindegi Komıtetiniń sheshimimen qalalyq bilim basqarmasyna qarsy Rýdnyı qalalyq sotyna jiberilgen. Rezıdent Qostanaı oblysy boıynsha júktelgen.
Mektep garderobshysy basshylyq tarapynan nápsilik qysym kórip, jumysynan aıyrylǵany jáne psıhologıalyq soqqa alǵany úshin moraldyq shyǵyn talap etýde.
«Bul tek Qazaqstandaǵy ǵana emes, Ortalyq Azıadaǵy alǵashqy sheshim. Anna Persevka mektebinde garderobshy bolyp jumys istegen. Mektep dırektory óz jaǵdaıyn paıdalanyp, áıelden ıntımdik jaqyndyqty talap etken. Aıǵaq retinde dıktofonǵa jazylǵan zapıs men áńgimeni estigen eki kýáger bar», - deıdi Adam quqyqtary jónindegi búronyń Qostanaı oblystyq fılıalynyń dırektory Anastasıa Mıller.
34 jastaǵy er adam eńbek qatynasyn jańartý úshin áıeldi bopsalaǵan. Anna Beloýsova 1999 jydan beri garderobshy bolyp jumys isteıdi jáne jyl saıyn kelisimshart uzartylady. 2011 jyldyń mamyr aıynda Annaǵa «ne jynystyq qatynas, ne jumystan ketý» sharty qoıylǵan. Garderobshy bas tartqan soń dırektor jańa oqý jylynda eńbek shartynyń kúshin joıǵan.
Osydan keıin áıel túrli organdarǵa shaǵymdanǵanymen, ádildikke qol jetkize almaǵan. Onyń shaǵymdary durys tekserilmepti. Mektep dırektory óz jumysyn jalǵastyryp jatqanymen, áıel jumysynan aıyrylǵan.
Sonymen qatar, 2011 jyldyń shildesinde mektep dırektory áıeldiń ar-namysyna, qadir-qasıetine jáne kásibı bedeline nuqsan keltiretin málimetter taratqan. Sot Annanyń eks-bastyǵynan morldyq jáne zańdy degen aryz-talaptaryn negizsiz dep tapqan. Sondaı-aq shaǵymdanýshy áıel mektep ujymynyń aldynda dırektordan keshirim surasyn dep tapsyrǵan.
2015 jyldyń 13 shildesinde BUU-nyń Áıelderge qatysty kemsitýdi joıý jónindegi Komıteti 34 jastaǵy quqyq buzýshynyń Anna Beloýsovanyń jaǵdaıyn taný týraly sheshim shyǵardy. Komıtet buzylǵan quqyqtardy qalpyna keltirýge (Áıelderge qatysty kemsitýdiń barlyq nysandaryn joıý týraly) jáne Konvensıa boıynsha morldyq jáne materıaldyq zıan keltirgeni úshin tıisti ótemaqyny qosa óteýdi sheshti.
Endi bir jyl ótken soń, advokattar men oqıǵa qurbandary sheshimniń oryndalýyn talap etýde, nege tek 12 aıdan keıin ǵana áreket etip jatqandaryn Anastasıa Mıller túsindirdi.
«Biz komıtet sheshimderiniń orys tilinde kelýin kúttik. Óıtkeni birinshi barlyq sheshimder aǵylshyn tilinde shyǵarylady. Jalpy, is tizbegi biraz ýaqytty alady», - dedi Mıller.
