Uly otan soǵysynyń ardageri Raqymjan Qoshqarbaevqa «Reseı batyry» ataǵyn berý týraly usynysty Reseı prezıdenti Vladımır Pýtınniń qaraýyna  kúzge qaldyrdy. Bul týraly «Estelik shamy» memorıaldyq qoǵamdyq ortalyǵynyń atqarýshy dırektory  Pavel Illarıonov habarlady,  dep habarlaıdy Qamshy.kz .

Aıta keteıik, ekinshi dúnıezilik soǵystyń sońynda Raqymjan Qoshqarbaev pen Grıgorıı Býlatov Berlındegi Reıhstagqa Jeńis týyn tikken edi.

«Bul másele Reseı Federasıasynda birinshi ret kóterilip otyrǵan joq. Reseı memleketi Raqymjan Qoshqarbaev pen Grıgorıı Býlatovqa «Reseı batyry» ataǵyn sózsiz berý kerek. Biz qazir áskerı-tarıhı qoǵamynan negizder jınap jatyrmyz, Vladımır Pýtınge usyný úshin. Qazirgi ýaqytta sarapshylar men qoǵam oıyn jınap jatyrmyz. Osy aldaǵy kúzde baıandama daıyn bolady», - dedi Pavel Illarıonov.

Esterińizge sala keteıik, buǵan deıin ardagerdiń nemeresi Dáýren Qoshqarbaev atasyn «Reseı batyry» ataǵyna usynǵany týraly jazǵan bolatynbyz.

«Bul tarıhtaǵy ádilettilikti qaıta qalyptastyrý úshin jasalyp otyr. "Bizde UBT suraqtarynyń ishinde, eń birinshi týdy kim tikken degen suraqtyń durys jaýaby Raqymjan Qoshqarbaev pen Grıgorıı Býlatov delingen. Al reseılik synaqtamalarda múlde ózgeshe jaýap - Mıhaıl Egorov pen Melıton Kantarıa. Bul qate ǵoı. Másele sheshimin tappaı keledi", - dedi Dáýren Qoshqarbaev.