Pavlodarda óz qyzyn zorlap kelgen pedofılge sot úkim shyǵardy. Endi ol aldaǵy 20 jylyn temir tordyń arǵy jaǵynda ótkizedi, - dep habarlaıdy Qamshy.kz KTK arnasyna silteme jasap.

Oqıǵa Ekibastuz qalasynda bolǵan. 42 jastaǵy azǵyn týǵan qyzyn jynystyq qatynasqa túsýge májbúrlegen. Osylaısha 11 jasynda bir gúli ashylmaǵan jetkinshekti eki jylǵa jýyq zorlapty. Keıin sabaqqa barmaı úıde jatyp alǵan oqýshy qyz bar shyndyqty ájesine jaıyp salǵan. Muny estip bilgen sheshesi polısıaǵa aryzdanady. Arnaıy saraptama er adamnyń aqyl-esi durys ekenin kórsetti. Aıýandyq áreket jasaǵan ákeniń jetimder úıinde tárbıelengenin aıta keteıik. Azǵyndy sot 20 jylǵa qatań tártiptegi abaqtyǵa qamaý jazasyna kesti. Buǵan qosa tergeý kezinde júrgizilgen saraptamalar úshin 600 myń teńge tóleýge mindettedi.

Gúlmıra Tólebaeva, Pavlodar oblystyq prokýratýrasy basqarmasynyń aǵa prokýrory :

–Sottalýshy qyzyna qol ushyn tıgizbegenin aıtyp, kinásin moıyndamady. Tergeý kezinde, sondaı-aq sot otyrystaryndy ózin salmaqty ustady. Áıelin jıi uryp soqqan. Jumysta da áriptesterimen jıi sózge kelgen eken.