QR Qorǵanys mınıstrliginiń ókilderi Almaty mańynda BTR-lardyń nege júrgenin aıtty, - dep habarlaıdy Qamshy.kz Tengrinews.kz – ke silteme jasap.
Búgin túrli messendjerlerde BTR-lar legi Almaty-Qapshaǵaı tasjolynda ketip bara jatqany túsirilgen vıdeo tarap jatyr. Keıbir qoldanýshylar Almatyǵa qosymsha tehnıkanyń kirip jatqanyn aıtty. QR Qorǵanys mınıstrliginiń baspasóz qyzmetiniń jetekshisi Janar Kolbachaeva bul tehnıkalardyń josparly oqý-jattyǵýdan qaıtyp kele jatqanyn aıtty.
«Bul vıdeo 18 mamyrda, sársenbi kúni túsirilgen. Áskerı tehnıkanyń toǵyz danasy josparly jaýyngerlik daıyndyqtan kele jatqan. Tehnıkanyń bir bóligi Qapshaǵaıǵa qaıtyp kele jatqan, qalǵandary Almatyǵa bet alǵan sáti. Olar jattyǵýdan qaıtyp bara jatqan, bizde josparly oqý sharalary júrip jatyr. Olar Aqtaýda 2015 jyly bolǵan jaǵdaıdyń qaıtalanbaýy úshin (Avt.: 2015 jyldyń qyrkúıeginde Aqtaýda jattyǵý kezinde tórt BTR-80 sýǵa ketken edi) BTR jeke quramynyń josparyn oryndaıdy, olar BTR-men júzip úırenip jatyr. BTR-lerge arnalǵan baseın Zarechnyıda. Bul bitimgerlik brıgadasy. Olar josparly oqý-jattyǵýlardan qaıtyp kele jatqan", - dep túsindirdi Kolbachaeva.
Sonymen qatar, Kolbachaeva Almatyǵa qosymsha áskerı tehnıka kirgizilip jatyr delingen málimettiń shyndyqqa janaspaıtynyn habarlady.
