Qazirgi polıetnıkalyq Qazaqstan jaǵdaıynda etnomádenı úrdisterdiń etnologıa salasyndaǵy róli mańyzdy. Júzden astam etnostar mekendegen Qazaqstandaǵy etnıkalyq prosester, ultaralyq, etnosaralyq qatynastar, etnostyń áleýmettik-mádenı qalpynyń jalpy jáne erekshe túr-sıpaty birte-birte damyp kele jatyr. Respýblıka halyqtarynyń etnıkalyq jáne etno-mádenı prosesteriniń órbý, damý, qalyptasý máseleleri teorıalyq turǵydan alǵanda qazirgi qoǵamda ózekti máselelerdiń biri bolyp otyr. Sonymen qatar atalmysh kóp aýqymdy máselege qatysty etnıkalyq yntymaqtastyq damý, damýdyń erekshe belgilerin aıqyndaý, elimizdiń basty mindetine aınaldy.

Osyǵan oraı, Ál-Farabı atyndaǵy Qazaq ulttyq ýnıversıtetinde otandyq tarıh ǵylymynyń damýyna aıtarlyqtaı óz úlesin qosyp kele jatqan, tarıh ǵylymdarynyń doktory, profesor Qalysh Amanjol Boranbaıulynyń alty birdeı oqý quralynyń tusaýkeseri ótti. Atalmysh is-sharaǵa: Tarıh, arheologıa jáne etnologıa fakúltetiniń dekany Jumadil A. Q.,Qazaq Ýnıversıteti Baspa isiniń dırektory Asan A.T., fakúltet profesorlary Tóleýbaev Á.T., Eleýov M.E., Káribaev B.B., muǵalimder jáne stýdentter qatysty. Jıynda qazirgi Qazaqstannyń ǵylymı, saıası jáne áleýmettik jaǵdaıy týraly sóz qozǵaldy.

«Qazir bizdiń zertteý jumystarymyz jaıly zerttelgen materıaldar joqtyń qasy. Artymyzdan ósip kele jatqan jas-býyn ókilderine, erteńgi kúni oqıtyn, saýatyn ashatyn, bilim deńgeıin kóteretin eńbekterdiń neǵurlym kóp bolǵany, soǵurlym ózimizge jaqsy. Sol sebepti osynda otyrǵan árbir profesor bolyp, osy turǵyda atsalysatyn bolsaq, respýblıka deńgeıindegi bilim sapasynyń artýyna qol jetkizerimiz anyq», - dep avtor myrza atap ótti

Jaryqqa shyqqan oqý quraldary:

1. Repatrıanty Kazahstana: Kazahstan v sısteme transnasıonalnoı mıgrasıı v ýslovıah globalızasıı;

2. Bıblıografıcheskıı sbornık rabot J. K. Taımagambetova v SMI;

3. Pýtı ıntegrasıı oralmanov v kazahstanskoe obshestvo realıı ı vyzovy.(monografıa);

4. Pole ı smysly sosıokýltýrnoı ıntegrasıı etnıcheskıh repatrıantov(monografıa);

5. Qazaq halqynyń etnogenezi men etnıkalyq tarıhy;

6. Etnologıanyń irgeli máseleleri;

7. Qazirgi Qazaqstandaǵy etnıkalyq jáne etnomádenı prosester;

8.Mońǵolıadaǵy qazaq dıasporasynyń tarıhy.

Eńbekter jınaǵy «Tarıh» ǵylymy boıynsha zertteý jumystarmen aınalysatyn stýdentterge, magıstranttarǵa, PhD doktoranttarǵa, oqytýshylarǵa arnalǵan.