Shymkenttegi qoǵamdyq avtobýs júrgizýshileri jolaýshyǵa talasyp, jappaı jarys uıymdastyrýdy qoıyp, endi kópshilikti jańa qyrymen tań qaldyrdy. Olar avtobýsty dóńgeleksiz júrgizýge kóshipti, - dep habarlaıdy Qamshy.kz korrespondent.kz – ke silteme jasap.

Jaqynda ǵalamtorda dóńgeleginiń rezeńkesi shyqqan qalalyq jolaýshylar avtobýsynyń jolda ketip bara jatqan vıdeosy paıda boldy. Bul kórinis jeli qoldanýshylarynyń jaǵasyn  ustatty. Taǵy bir atap óterligi, shymkenttik qoǵamdyq kólikterdegi oqys oqıǵalar munymen shektelmek emes. Oılamaǵan jerden edeni túsip ketip, saldarynan jolaýshy aıaǵyn eki jerden syndyryp alǵan jaıt ta oryn alǵan. Bul da áleýmettik jelilerde qyzý talqylandy. Belgili bolǵandaı, zardap shekken kelinshek endi kólik kompanıasyn sotqa bermekshi.