Ál-Farabı atyndaǵy Qazaq ulttyq ýnıversıtetiniń halyqaralyq qatynastar fakúltetinde jaqynda «Týra bı» klýbynyń uıymdastyrýymen dástúrli «Tilim meniń - tiregim» atty jas aqyndar men kórkemsóz oqý sheberleriniń tartysty dodasy ótti, - dep habarlaıdy Qamshy.kz.

Saıysqa 1- jáne 2-kýrstyń talantty da talapty stýdentteri qatysyp, fakúltettiń poezıa parqyn paıymdaı alar joǵarǵy kýrs stýdentteri - Nursultan Bekqaıyrov, Aımerek Bekmyrza, Nazerke Burhan jáne aǵa kýrator-uıymdastyrýshysy, «Týra bı» klýbynyń jetekshisi Gúlshat Ahmetalıeva ádil tórelik etti. Al júrgizýshiliktiń tizginin sózi salmaqty, ózi jan-jaqty, jas ta bolsa, bas bolyp, fakúltet ıgiligine qyzmet etip júrgen belsendi azamat, 3-kýrs stýdenti Ádil Túmenov ustady.    

Kesh shymyldyǵy fakúltet belsendisi Gúlistan Qaıratqyzynyń mánerli oryndaýyndaǵy «Ǵashyqtyq ǵalamaty» atty M.Shahanovtyń poemasymen ashyldy. Abaıdyń, Sultanmahmuttyń patrıottyq taqyryptaǵy jalyndy jyrlarymen qosa, jas aqyndardyń judyryqtaı júrekterin jaryp shyǵyp, sıasy keýip úlgermegen tyrnaqaldy týyndylary oqylǵan bul keshte qatysýshylardy bólip-jaryp tórelik etý ońaıǵa soqpasa da, «Qazaqsha sóıle!» atty ómirsheń óleńin órnekteı oqyǵan Muratjan Qosjan qazylar alqasynyń eń joǵarǵy baǵasyna ıe boldy. Sol sekildi Abaıdyń «On segizinshi qara sózin» jan bitirip oqyǵan Dana Úısinbek te, M.Shahanovtyń «Otyrar dastanyn» naqyshyna keltire oqyp, tyńdaýshyny tyńǵa jetelegen Juldyz Qaıypjan da kórkemsóz oqýshylardyń arasynan alǵashqy orynǵa laıyq dep tanyldy. Sonymen qatar, jyr súıer qaýymnyń rızashylyǵyna 1-kýrs stýdentteri Nuraına Sádýaqasova, Asqar Amangeldıev, Lázzat Jumanbaeva, Jasmın Jaqsygeldınova bólene bildi.    

 Jeńimpazdardy jáne ózge de júldegerlerdi fakúltettiń aǵa kýrator-uıymdastyrýshysy, «Týra bı» klýbynyń jetekshisi Ahmetalıeva Gúlshat Ýabıdenqyzy arnaıy dıplomdarmen marapattady.

Tamyry tereń, tarıhy kenen týǵan tilimizdiń tuǵyryn bıigirek qoıǵan, jyrǵa qosyp, mereıin ústem etken óleń súıer órenderimizdiń shabyttarynyń shyńdalyp, ónerleriniń óristeı berýine shyn júrekten tilektespiz! Nazarlaryńyzǵa 1-kýrs stýdenti Nuraına Sádýaqasovanyń «Qudirettiń qudireti» atty tańdaýly týyndysyn usynamyz:

Qarsy alǵanda elýge engen alpaýyttar álemi,

Kóz tikkende elimizge dúnıeniń bar eli.

Sensiń, tilim, - qazaq qylyp tanytqan bar álemge,

Sensiń, tilim, - qazaqtyǵymnyń óshpeıtuǵyn dáleli.

Sensiń, tilim, - eń qymbatty «úsh baqyttyń» bireýi,

Sensiń, tilim, - qazaǵymnyń máńgi soǵar júregi.

Halqymyzdyń baǵa jetpes qazynasy, baılyǵy,

Ony ulyqtaý – paryzymyz biz ben sizdiń kıeli.

Tilsiz júrgen, únsiz júrgen qaısy ultty kórip eń?

Tilsiz, dinsiz, mádenıetsiz teń emes pe ólimen?!

Tiliń óshse, sen de óshesiń, ultyń birge óshedi,

Árbir ulttyń bolashaǵy qalyptasar tilimen.

«Qazaq tili – eń baı til» dep babam bergen baǵasyn,

Budan artyq qymbat teńeý, aıtshy, qaıdan tabasyń?

Tildiń uly qudiretiniń, úlkendiginiń qasynda

Bar bolǵany topyraqtyń túıirindeı ǵanasyń.

Qansha dana, qansha aqynnyń shyǵarmasyn sharlasam,

Qanshama sóz sóılesem de, qansha shýmaq arnasam,

Osy aıtqan sózderimniń qorytyndysy bireý-aq:

Men úshin til – qudirettiń qudireti árqashan!

Gúlshat AHMETALIEVA

Halyqaralyq qatynastar fakúltetiniń aǵa kýrator-uıymdastyrýshysy, «Týra bı» klýbynyń jetekshisi

Nazerke BURHAN

3-kýrs stýdenti, HQF Stýdentter Ǵylymı Qoǵamynyń tóraıymy.