Reseı fýtbol quramasynyń burynǵy kapıtany Andreı Arshavın 29 mamyrda 35 jasqa tolady. Qazir «Qaırat» komandasynyń quramyndaı oıyn kórsetetin Arshavınniń jeke ómiri kópshilikti qashanda qyzyqtyrǵan.
Arshavın qazaqstandyq «Qaırat» komandasynyń quramyna qosylǵan úsh aıdyń ishinde qarsylastyń qaqpasyna bar-joǵy bir ǵana gol soqqan. Komandalas áriptesteri onyń jalaǵysy ózderinen áldeqaıda joǵary ekenin talqylap, qaljyńdasady. Olar ózderine qaraǵanda Arshavınniń aılyǵyn aqsha sanaǵysh quraldyń ózi birneshe mınýtqa uzaq sanaıtynyn aıtady. Degenmen «Qaırattyqtar» Arshavındi komandaǵa jyly qabyldaǵan.
«Biz tez-aq dostasyp kettik, - deıdi «Qaırattyń» qorǵaýshysy Tımýr Rýdoselskıı. Andreı qarym-qatynasqa óte qarapaıym, ázildi jaqsy sezinedi, jınaqy, oıly jigit. Ókinishke oraı, bizde birlesken demalys ýaqyty bola bermeıdi. Kóbine tek fýtbol alańynda kezdesemiz. Ol maǵan eski dostarsha aldyńa maqsat qoıyp, sol nársege jetý úshin árdaıym jattyǵýda bolý kerek dep keńes beredi. Keıde birge keshki as ishemiz. Men úılengenmin, onyń súıiktisi jaqynda keledi, sol kezde meıramhanada jaqsy kesh uıymdastyramyz», - deıdi.
Arshavındi kópshilik Almatydaǵy eń tanymal saýda ortalyǵy Essentai Mall-men qala ortalyǵyndaǵy Union barynan, ártisterdiń konsertteri men dıdjeı-setterden jáne fýtbol machtaryn translásıalaıtyn oryndardan jıi kezdestirip jatady. Al fýtbolısttiń densaýlyǵyn ORHUN MEDICAL dıagnostıkalyq ortalyǵynyń eń tańdaýly dárigeri Maksım Galýshkın únemi baqylaýda ustaıdy.
Arshavınniń súıiktisi 34 jastaǵy Alısa Kazmına Qazaqstanǵa sáýir aıynyń sońynda kelýdi josparlaǵan. Biraq onyń otbasy oqý jylynyń aıaqtalýyn kútken. Óıtkeni Kazmınanyń qyzy áli mektep qabyrǵasynda oqıdy. Andreı Arshavın ǵashyǵy men onyń balalaryn kútip alýǵa jaqsy jaǵdaı jasap jatyr.
Arshavın ǵashyǵynyń kelýine oraı Esentai turǵyn úı kesheniniń eń sońǵy (joǵarǵy) qabatynda ornalasqan eń qymbat páterdi jaldaǵan. Eki jatyn bólmesi bar bul qymbat páterdi kezinde onyń áriptesi Anatolıı Tımoshýk te jaldaǵan. Jıhazdary mınımalızm stılinde jaıǵastyrylǵan páterdiń tazalyǵy men kir jýý qyzmetteriniń bári sapaly uıymdastyrylǵan.
Arshavın mereıtoıyn Almatyda ǵashyǵymen birge áriptesteriniń basyn qosyp ótkizbek.
«Bizdiń komandanyń óz dástúri bar. Ár oıynshy týǵan kúninde tort ákelip, sháı iship atap ótemiz» , - deıdi Tımýr Rýdolselskıı.
Bul merekelik keshke Andreıdiń burynǵy áıeli, telejúrgizýshi Iýlıa Baranovskaıadan týǵan balalary Iana, Artem jáne Arsenıa qatyspaıdy. Fýtbolıst burynǵy otbasymen qarym-qatynasyn birjola úzgen. Tipti sáýir aıynda 8 jasqa tolǵan ortanshy qyzy Ianany týǵan kúnimen quttyqtamapty.
«Andreı Arshavın burynǵy áıeli men balalarynyń aldyndaǵy qaryzyn tólep qutylǵan. 8 mıllıon rúblge jýyq aqsha bergen. Bir-biriniń ómirine kedergi etpeı úshin bala-shaǵasymen, burynǵy áıelimen qatynasty tolyq úzdi. Degenmen, Iýlıa balalarymen teńizge baryp demalǵysy kelgende, Arshavın olarǵa shetelge shyǵýǵa ruqsat bermedi», - deıdi advokat Andreı Tyndyk.
