Almatyda 6 maýsym kúni aqyn, Qazaqstannyń eńbek sińirgen qaıratkeri, M. Maqataev atyndaǵy syılyqtyń eki dúrkin ıegeri, aıtys óneriniń uıymdastyrýshysy Júrsin Ermannyń shyǵarmashylyq keshi ótedi, - dep habarlaıdy Qamshy.kz.

Aqynnyń shyǵarmashylyq keshin ótkizýge Almaty ákimdigi uıytqy bolyp otyr.

M. Áýezov atyndaǵy Qazaq memlekettik akademıalyq drama teatrynda ótetin keshte óner kórsetetin «MuzArt» toby, «Nur-Muqasan» dýeti, Erlan Rysqalı, Erkin Nurjan, Allajar Qaıbar syndy birqatar óner juldyzdarymen qatar, Aıbek Qalıev, Erkebulan Qaınazar, Bolatbek Orazbaev, Aspanbek Shuǵataev, Iranǵaıyp Kúzembaev, Meıirbek Sultanhan, Qalıjan Bildashev, Shuǵaıyp Sezimhan syndy aıtys aqyndary da jyrdan shashý shashpaq.

Shyǵarmashylyq kesh 6 maýsym kúni M. Áýezov atyndaǵy Memlekettik akademıalyq drama teatrynda saǵat 17.00-de bastalady. Kelem deýshilerge esik ashyq.