Astanada bastalǵan balamaly energetıka boıynsha I samıtte  Energetıka mınıstri Qanat Bozymbaev suhbatty orys tilinde berýdi ótindi, - dep habarlaıdy Qamshy.kz Baq.kz-ke silteme jasap.

«Bul salada termınologıa kóp. Sondyqtan men oryssha sóıleıinshi?», – depti  mınıstr jıyn ústinde. Qazaq tildi jýrnalıser onyń bul ótinishin quptaǵannan keıin mınıstr balamaly energetıka taqarybyna arnalǵan suhbatyn orys tilinde berdi.

Aıta keteıik, jaqynda atalǵan máseleni Mádenıet jáne sport mınıstri Arystanbek Muhamedıuly da kótergen.

«Shyny kerek, «mınısterstvo ınvestısıı» (ınvestısıalar jáne damý mınıstrligi – avt.) deımiz ǵoı, olar hattarynan shatasyp jatady, qazaqsha aýdarǵanda. Endi, anaý jańadan kelgen sózder ne ózderi túsinbeıdi. Sony bárimiz…Investısıanyń ózin ózgertip jatamyz birneshe…», – dedi ol qoǵamdyq keńes aldyndaǵy esep berý kezdesýi kezinde.

Sol kezdesýde A. Muhamedıuly til máselesiniń bir bóligi mádenıet jáne sport mınıstrliginde, bir bóligi bilim jáne ǵylym mınıstrliginde ekenin jetkizgen.

«Til máselesi boıynsha mádenıet jáne sport mınıstrligin synaǵanda biz bilim jáne ǵylym mınıstrligine silteımiz. Al, ony synǵa alǵanda bizge siltep jatady. Bizge jaqsy boldy, bir-birimizge silteımiz de, naqty jaýap beretin eshkim joq», – dedi Arystanbek Muhamedıuly.

Onyń aıtýynsha, qazirgi kezde mınıstrlik til máselesin naqty bir mekemege berý qajettigin alǵa tartyp otyr.

«Áıtpese, Qaztest bilim mınıstrliginde, ádistemesi bizde. Shyny aıtý kerek, eki jaqtaǵy jumysty úılestire almaı jatqan jaǵdaıymyz bar», – dedi ol. Osy oraıda ol til máselesin jer daýymen salystyrdy.