Qaraǵandydaǵy eki jarym myńnan astam oqýshysy bar №101 mektep-lıseıi bıznestiń kózine aınalǵan, , dep habarlaıdy Qamshy.kz 31 arnaǵa silteme jasap.
Syrtynan qarasań kádimgi mektep. Kirip-shyǵyp jatqan oqýshy ustazdar. Al, ishinde jıhaz shyǵaratyn sheberhana bar eken.Onyń qyzmeti qanshalyqty zańdy, zańsyz ekenin prokýrorlar anyqtaıdy. Tekseristiń qorytyndysy eki kúnnen keıin belgili bolady dedi. Bir qyzyǵy, sheberhanada aǵashtan jasalatyn ústel-oryndyqtardy oqýshylar daıyndaıdy degen seh ınjeneri jıhazdardyń baǵasyn belgilep qoıypty.
Qaladaǵy mektep-lıseılerdiń birinde kádimgi úı jıhazdary daıyndalatynyn estip, tapsyrys berýdi jón kórdik. Telefon arqyly ózin Serikpin dep tanystyrǵan azamat tapsyrys qabyldaýǵa daıyn eken. Tipti «oryndyqtar men ústelderdi qalaýyńyzsha daıyndaımyz», -dep aǵynan jaryldy. «Tek tapsyrys berseńiz bolǵany, túrli tústegi matamen qaptalǵan taýardy az ýaqyttyń ishinde ázirlep beremiz», -deıdi.
- Daıyn jıhazdardan alsańyz, jaqsy jeńildik jasap bereıin. Qandaı tús qalaısyz?
- Qara tústi bolsa...
- Siz bizdiń oryndyqtardan tańdańyz, al túsin qalaýyńyzsha jasap berýge tyrysamyz.
Serik esimdi azamattyń aıtqanynan túsingenimiz.
Mektep qabyrǵasynda daıyndalatyn jıhazdardyń quny mynadaı: Aǵashtan jasalǵan ústel - 44 000 tg, arqasy bar oryndyqtardyń baǵasy - 7800 - 16 000 tg deıin.
Dúkendegi jıhazdardan esh aıyrmashylyǵy joq ústel-oryndyqtardy daıyndaıtyn mekteptegi sheberhana, mine. Bir emes, eki birdeı sheberhanada da jumys qyzý qarqynda júrip jatyr. Al jıhaz jasaýǵa telefon arqyly tapsyrys qabyldaǵan Serik esimdi bul azamatqa túsirilim toby asa unaı qoıǵan joq. «Sheberhananyń jumysy zańdy, sehta tek oqýshylar jumys isteıdi»,- dedi.
Al prokýratýra ókilderi mektep-lıseıdi tekserýge kiristi. Qyzyǵy, sheberhanada kúni keshe ǵana turǵan qural-jabdyqtardy bilim oshaǵynan taba almadyq deıdi.
JANQOZY NAKISHEV Qazybek bı aýdandyq prokýrorynyń orynbasary:
- Bul áreketteri beınede kórsetilgen bul zańsyz bolyp tabylady. Árıne, búgin bardy bizdiń qyzmetkerimiz sony tekserip. Biraq ta qazirgi ýaqytynda bul sheberhanasynda jańaǵy vıdeoda kórsetilgen ústel, neler joq.
Tekseris áli eki kúnge jalǵasady degen quzyrly organdaǵylar tilshiler kórsetken beınejazba boıynsha ǵana ázirge zańsyz degen qorytyndy shyǵardy. Biraq túpkilikti sheshim birer kúnnen keıin shyǵady. Al bilim berý zańynyń 63 babyna sáıkes, oqý ornynyń erejesine enbegen jumyspen mektep qabyrǵasynda aınalysý zańsyz,- deıdi quqyq qorǵaýshylar. Aıta ketý kerek, atalmysh mektep-lıseıdiń bir jyldan beri basshysy taǵaıyndalmaǵan eken.
