Apple kompanıasy bıyl jazdyń sońyna qaraı nemese kúzge salym iPhone smartfonynyń altynshy nusqasyn usynýy múmkin dep habarlaıdy MarketWatch.

Sarapshylar mundaı boljamdy kompanıanyń jetkizýshilerinen alynǵan málimetterdiń negizinde jasady. Pacific Crest taldaýshysy Endı Hargrıvstiń aıtýynsha, smartfonnyń quramdas bólikterine tapsyrys berý maýsymda bastalady, bul jańa qurylǵy qyrkúıektiń sońynda nemese qazan aıynda qalyń kópshilikke qoljetimdi bolady degen sóz. Óz kezeginde UBS kompanıasynyń ókili Stıv Mılýnovıch jetkizýshilerdiń málimetterin negizge ala otyryp, iPhone 6-nyń maýsym men tamyz aralyǵynda-aq, ıaǵnı qyrkúıek aıynan buryn shyǵaryla bastaıtynyn aıtady. RBC Capital analıtıgi Dag Frıdman bolsa, "Apple jartylaı ótkizgishterin óndirýshiler óniminiń saýdasy jańa smartfonnyń naryqqa jazdyń sońynda nemese kúzdiń basynda shyǵatynyn ańǵartady" degen pikirde. Aıta keteıik, ótken eki jyl ishinde Apple-diń óz jańa smartfondaryn qyrkúıek aıynyń basynda jaryqqa shyǵarǵany belgili. Derekkóz: http://kaz.tengrinews.kz