"Hanzada Garrı súıiktisimen Almatyda ótetin jabyq saýyq-keshke qatysýǵa keldi. Garrı men qyzy Shymbulaq demalys kýrortyna tikushaqpen bardy. Brıtandyq hanzada súıiktisin Qazaqstanda demalyp qaıtýǵa shaqyrǵan" . Brıtan taǵynyń murageri men onyń súıiktisi Shymbulaq shańǵy kýrortyna tikushaqpen barǵan. Basylymnyń málimetine qaraǵanda, hanzada Garrı men onyń súıiktisi Kressıda "saltanatty shalede" toqtaǵan. Olar jabyq jeke saýyq-keshke qatysady. Garrıdiń dostary 29 jastaǵy hanzadanyń 25 jastaǵy súıiktisine qazaq jerinde otbasy qurý týraly usynys jasaýy múmkin ekenin aıtady. Garrı men Kressıda eń alǵash 2012 jyly tabysqan, alaıda osy ýaqytqa deıin fototilshilerdiń kózine túspeı kelgen. Osy jyldyń naýryz aıynyń basynda batystyq aqparat quraldary bul juptyń arasyndaǵy jeke qatynastardyń jańa deńgeıge kóterilgenin málimdedi. İİ Elızavetanyń nemeresi súıiktisimen birge kópshilik bas qosqan jıyndarda kórine bastaǵan. Brıtandyq basylymnyń málimetinshe, Shymbulaq shańǵy kýrorty qazaqstandyq kásipker Serjan Jumashovqa tıesili jáne kýrort qojaıynynyń jalpy baılyǵy 215 mıllıon dollardy quraıdy. Hanzada Garrı aqsúıekter áýletininiń Qazaqstanǵa kelgen alǵashqy ókili emes. Buǵan deıin onyń aǵaıy hanzada Endrú qazaq jerine birneshe ret taban tiregen bolatyn. Brıtandyq Daily Mirror basylymynyń jazýynsha, Qazaqstan jaqyn bolashaqta eýropalyqtardyń áıgili demalys ornyna aınalatyn bolady. Sonymen qatar basylym Almaty mańyndaǵy taý shatqalynda taǵy jeti jańa demalys orny salynǵaly jatqanyn habarlaıdy.

tengrinews.kz