Reseıdegi memlekettik jáne birqatar vedomstvo qyzmetkerleri AQSH-tyń arnaıy qyzmetiniń áreketine baılanysty aldaǵy ýaqytta amerıkalyq Microsoft qyzmetinen bas tartpaq nıette. Bul pikirdi Reseıdiń baılanys mınıstri Nıkolaı Nıkıforov aıtty, dep jazady "Rossııskaıa gazeta" "Amerıkalyq "kúsh qurylym ókilderi" AQSH-ta shyǵarylǵan qurylǵylar men qamtamasyz etý baǵdarlamasyn qoldanýǵa kedergi keltire bergendikten Reseıdegi memlekettik qyzmettegiler men memlekettik qurylymdarǵa jaqyn birqatar vedomstvolar Microsoft qyzmetinen bas tartatyn bolady", - dep mınıstr óziniń Instagram paraqshasyna jazǵan eken. Mınıstrdiń bul pikiri amerıkalyq Wall Street Journal basylymyna baǵyttalyp otyrǵandaı. Oǵan sebep, naýryzdyń 24-i kúni bul basylym "AQSH Reseıge qatysty aýqymdy aqparattyq zertteý jumystaryn bastady" dep jazǵan bolatyn. Ol maqalada sondaı-aq amerıkalyq arnaıy qyzmetterdiń ókilderi spýtnıktik qurylǵylar arqyly Reseı, Ýkraına men Baltyq elderi aýmaǵynda qyzmette júrgen reseılik áskerılerdi ańdýdy kúsheıtpek dep te jazylǵan. Sarapshylar reseılik mınıstrdiń bul pikiriniń júzege asatynyna kúmánmen qaraıdy. Sebebi, Reseıdi aıtpaǵanda búkil álem halqy negizinen AQSH-ta shyǵarylǵan gadjetter men qamtamasyz etý baǵdarlamalardyń qyzmetin paıdalanady. Atap aıtqanda, zor suranysqa ıe iPhone smartfony men Microsoft, Android sekildi operasıalyq júıege balama bola alatyndaı jobalar ázirge álemde joq. Tengrinews.kz