Pákistan bıligi Ravalpındı-Islamabad baǵytynda qatynaıtyn avtobýstyń jumysyn iske qosty. Atalmysh avtobýstyń ereksheligi - onyń jolaýshylary tek áıelder bolmaq.

Bul elde qoǵamdyq kólikterde er azamattar tarapynan áıelderge zábir kórsetý jáne til tıgizý jıi kezdesedi. Telearnanyń habarlaýynsha, tek qana názik jandylarǵa qyzmet kórsetetin arnaıy tasymal quralyn ashý buǵan deıin birneshe márte kóterilgen. Alaıda kóp jaǵdaıda qarjynyń jetispeýshiligine baılanysty, joba aıaqsyz qalyp kelgen. Al qazirgi bastamaǵa sáıkes, atalǵan avtobýs eki aı boıy qanatqaqty joba retinde jumys istemek.

Aıta keterligi, Pákistanda áıelderdiń qoǵamdyq kólikterde jıi kezdesetin keleńsizdikter úshin jumystar bas tarýy jıi kezdesedi. Eger jańa avtobýstardyń jumysy jaqsy jolǵa qoıylsa, ol áıelderdiń teńdigi men quqyǵyn retteýge septigin tıgizer edi deıdi kópshilik.

inform.kz