Almatyda terorızmmen kúres úshin 23,5 mıllıon teńge bólingen, - dep habarlaıdy Qamshy.kz «Almaty» telearnasyna silteme jasap.

Qala ákimi janyndaǵy qoǵamdyq keńes aldynda Almaty qalalyq din isteri basqarmasy esep berdi. Byltyr men bıyl atqarylǵan sharýalaryn tizbektegen bólim basshysy birqatar jumystardyń atqarylǵanyn jetkizdi. Atalǵan basqarmaǵa qazynadan 2015 jyly 51 mln teńge bólingen. Sonyń 23 mln 500 myń teńge ekstremızm men terorızmge qarsy jumys jasaýǵa, sondaı-aq aqparatty júrgizýge 9 mln teńge, semınar-trenıngke 8 mln 445 myń teńge baǵyttalypty.

"Almaty qalasy boıynsha 178 dinı birlestik tirkelgen. Olardyń ishindegi 46-sy Qazaqstan musylmandary dinı basqarmasyna qatysty, ıaǵnı olardyń fılıaldary dinı basqarmasy - mýftıatyń fılaly retinde meshitter. Meshitterdiń qyzmeti qazir Almaty qalasynda óte joǵary deńgeıde júrgizilip jatyr",- deıdi Almaty qalasy Din isteri basqarmasynyń bólim basshysy Áset DOSKEEV.

Búgingi otyrys barysynda 2016 jyldarǵa arnalǵan ár túrli usynystar men josparlar aıtyldy. Sonyń biri dinı isterge baılanysty fılm túsirý. Al, dindi durystap nasıhattaý aıasynda mekemelerde túrli dárister oqytylmaq eken. Sonymen qatar, Almaty qalasyndaǵy saýda oryndarynda satylatyn dinı ádebıetter de az emes. Eger kúdik týdyratyn kitaptar bolsa, quqyq qorǵaý mekemelerimen birlese otyryp arnaıy saraptama bólimine joldaımyz dedi.