Saıtymyzda Almatydaǵy «Aqkent» turǵyn úı kesheninde oryn alǵan jaǵdaı týraly buǵan deıin de jazǵan bolatynbyz. Osyǵan oraı, «Ayt Housing Complex» tómendegideı jaýap hat keldi.
Almatyda «Aqkent» turǵyn úı keshendegi páter aqysyn tólemeıtinder páterlerinen shyǵaryldy. 17 maýsym kúni Álıa Qarataevna Elúkenova, Uljan Ábdiqaıymovna Berdıeva, Anna Aleksandrovna Sabýrovany májbúrlep páterden shyǵarý boıynsha sot sheshimi oryndaldy.
«Ayt Housing Complex» kompanıasynyń zańgeri Gúljan Sapronovanyń habarlaýynsha 2010 jylǵy 25 qazanda Álıa Qarataevna Elúkenova «Aqkent» premıýmdy turǵyn úı kesheninde eki bólmeli páterdi satyp alý úshin somasy 23,7 mln. teńgeni quraıtyn shart jasasqan. Joǵaryda kórsetilgen somanyń 4,8 mln. teńgesin, ıaǵnı 20% ǵana tólegen.
A.K. Elúkenova atalǵan páterde turyp kele jatqanyna 67 aı bolǵan. Bul rette, 2 bólmeli páterdi jalǵa alý quny orta eseppen 80 myń teńgeni quraıdy. Iaǵnı atalǵan turǵyn úıde 5 jyl turý shyǵyny shamamen 5 mln. teńgeden astam qarajatty quraıdy.
Sondaı-aq, A.K. Elúkenovanyń menshiginde Astana qalasynda páteri jáne «Lada» markaly avtokóligi bar.
Budan basqa erterekte A.K. Elúkenovanyń jeke menshiginde 2 úı jáne 1 páteri bolǵan.
Keıbir málimetterge sáıkes A.K. Elúkenova memlekettik organdarda qyzmet etip, 2015 jyldyń jeltoqsan aıyna deıin baspana alýǵa arnalǵan «baspanalyq tólemaqylar» alyp otyrǵan. Atalǵan 20 mln. teńge somasyndaǵy tólemaqylar Astana qalasynan páter satyp alýǵa jumsalǵan. Bul fakti boıynsha 2016 jylǵy 11 aqpanda qylmystyq is qozǵaldy.
2013 jylǵy 11 jeltoqsanda Berdıeva Ýljan Abdıkaımovna «Aqkent» premıýmdy turǵyn úı kesheninen 17.3 mln. teńgege 1 bólmeli páter satyp alý jóninde «Ayt Housing Complex» kompanıasymen kelisimshartqa otyrǵan. Kórsetilgen sýmmadan tek (bastapqy jarna) 4%-ǵana – 608 myń teńge tólengen.
Ý. Berdıeva atalǵan páterde turyp jatqanyna 29 aı bolǵan. Alaıda bul aýdanda 1 bólmeli páterdi ortasha jalǵa alý quny 60 teńge shamasynda, ıaǵnı joǵaryda kórsetilgen merzimde 1.7 mln. teńge shyǵyndy qajet etedi.
Sondaı-aq, Ý. Berdıevanyń Almaty qalasynda páteri, Hyundai County atty 2 mashınasy, Iveco TurboDaily, Toyota Camry, Mercedes-Benz 410, Mitsubishi Galant, Hyundai SuperAero City markaly 7 birdeı avtokólikteri bar.
Osyǵan qosa Ý. Berdıeva «Aqkent» premıýmdy turǵyn úı keshenindegi páterin jalǵa berip, ózi basqa meken-jaıda turady.
2013 jylǵy 26 jeltoqsanda Sabýrova Anna Aleksandrovna «Aqkent» premıýmdy turǵyn úı kesheninen 33 mln. teńgege 3 bólmeli páter satyp alý jóninde «Ayt Housing Complex» kompanıasymen kelisimshartqa otyrǵan. Kórsetilgen sýmmadan tek (bastapqy jarna) 2%-ǵana – 684 myń teńge tólengen.
A.A. Sabýrova osy páterde turyp jatqanyna 29 aı bolǵan. Bul aýdanda 3 bólmeli páterdi ortasha jalǵa alý quny 100 000 teńge shamasynda, ıaǵnı joǵaryda kórsetilgen merzimde 2.3 mln. teńge shyǵyndy qajet etedi.
Sondaı-aq, A.A. Sabýrovanyń Almaty qalasynda páteri, Subaru Legacy jáne «Volkswagen Touareg» avtokólikteri bar.
Qurmetpen, Oljas Mýhıtov
«Ayt Housing Complex» JSHS menedjeri
