Elbasynyń erekshe senimine ıe adam retinde Májilis spıkeri bolyp taǵaıyndalýy múmkin. Qazirgi ýaqytta Parlament jumysyn tolyqqandy, keshendi qamtamasyz etý úshin saıası bedelge ıe, myqty orator, saıası jetekshi qajet. Saıasatker Berik Ýálı eldegi sońǵy kadrlyq aýys-túıisterdi osylaısha túsindiredi. Bul týraly Qamshy.kz habarlaıdy.
«Elde saıası reformalar júzege asyrylatyn bolsa, Parlamenttiń róli kúsheıip, kóptegen mindetter júktelýi múmkin. Osy ýaqytta zań atqarýshy organnyń jumysyn reformalaý, ózgerister engizý sıaqty jańǵyrtý jumystaryn bilikti de salmaqty, kásibı menedjer ǵana júrgize alady. Ózimiz biletindeı, sapaly qabyldanǵan zań aktileri reformalar keshenin júrgizýge negiz bolǵandyqtan, búgingi kún tártibinde kásibı Parlament jumysyn qamtamasyz etý ózekti bolýda»,- deıdi Berik Ýálı.
