Memleket basshysy Prezıdent Ákimshiliginiń ujymyna jańa basshyny tanystyrdy, - dep habarlaıdy Qamshy.kz Aqordanyń Týıtterdegi
Prezıdent Jarlyǵymen Jaqsybekov Ádilbek Ryskeldiuly QR Prezıdent Ákimshiliginiń jetekshisi bolyp taǵaıyndaldy. Bul laýazymdy buǵan deıin Nurlan Nyǵmatýllın atqarǵan bolatyn. Onyń búgin Májilis depýtattyǵyna saılanǵany belgili boldy.
Á.Jaqsybekov 1954 jyly 26 shildede Qostanaı oblysy Qarabalyq aýdany Búrli aýylynda dúnıege kelgen. Búkilodaqtyq kınematografıa (Máskeý q.) memlekettik ýnıversıtetin, Plehanov atyndaǵy halyq sharýashylyǵy ınstıtýtyn támamdaǵan.
Ekonomıka ǵylymdarynyń kandıdaty.
Ár jyldary:
Qazaq KSR Memkıno júıesinde, materıaldyq-tehnıkalyq jabdyqtaý organdarynda jumys istep, kásiporyndarǵa basshylyq etken.
1988-95 jj. kópsalaly «Sesna» korporasıasynyń basshysy.
1995 j. Qazaqstan Respýblıkasy Parlamentiniń Senatyna saılanady.
1996 j. Aqmola oblysy ákiminiń orynbasary qyzmetine taǵaıyndalady.
1997 j. jeltoqsanynan 2003 j. maýsymyna deıin Astana qalasynyń ákimi.
2003 j. shildesinen 2004 j. jeltoqsanyna deıin Qazaqstan Respýblıkasy Indýstrıa jáne saýda mınıstri.
2004 j. jeltoqsanynan Qazaqstan Respýblıkasy Prezıdenti Ákimshiliginiń basshysy.
2008 j. qańtarynan Nur Otan halyq demokratıalyq partıasy tóraǵasynyń birinshi orynbasary.
2008 j. qarasha aıynan Qazaqstan Respýblıkasynyń Reseı Federasıasyndaǵy Tótenshe jáne Ókiletti Elshisi.
2009 j. maýsym aıynan Qazaqstan Respýblıkasynyń Qorǵanys mınıstri.
2014 j. qazan aıynda Astana qalasynyń ákimi bolyp qyzmet aqardy.
«Qazaqstan Respýblıkasynyń Tuńǵysh Prezıdenti Nursultan Nazarbaev», III dárejeli «Barys», İİ dárejeli knáz Iaroslav Mýdryı (Ýkraına) ordenderimen, basqa da úkimettik nagradalarmen marapattalǵan.
Astana qalasyndaǵy «Dóńgelek alań» sáýlet kesheni úshin Qazaqstan Respýblıkasynyń 2008 jylǵy memlekettik syılyq ıegeri.
«Zajech zvezdý-stolısý», «Tak nachınalas Astana. Zapıskı pervogo akıma stolısy» kitaptarynyń avtory.
