Jazǵa qaraı Qazaqstandaǵy ınflásıa 7 paıyzdy quraýy múmkin. Bul týraly Tengrinews.kz tilshisine Forex Club kompanıasynyń toby málim etti.
Esterińizge sala keteıik, Qazaqstannyń statısıka agenttiginiń derekterine sáıkes, Qazaqstanda 2013 jylǵy tutyný ınflásıasy 4,8 paıyzdy quraǵan, al 2012 jyly bul kórsetkish 6 paıyz bolǵan edi. Elimizde byltyrǵy jylǵy ınflásıanyń deńgeıi sońǵy 15 jyldaǵy eń tómengi kórsetkish dep tanylǵan bolatyn.
Sarapshylar keltirgen derekterge súıener bolsaq, kórsetkishtiń tómendeýi 2013 jyly jyl boıy, tipti 2014 jyldyń aqpanyna deıin baıaý qalypta júrgen. Osy ýaqytta tutyný baǵasynyń ındeksi 4,5 paıyzǵa teń boldy.
"Bolashaqtaǵy ınflásıa kórsetkishiniń dınamıkasyna kóz júgirter bolsaq, ústimizdegi jyldyń jaz mezgilinde Qazaqstandaǵy resmı ınflásıa kórsetkishi 7 paıyzǵa deıin kóterilmek. Al jyldyń aıaǵyna deıin tutyný baǵasynyń ındeksi 7,5-8 paıyzǵa deıin ósedi" deıdi sarapshylar. Olardyń aıtýynsha, ınflásıaǵa áser etýshi negizgi faktor aqpandaǵy devalvasıanyń saldarynan ımport baǵasynyń ósýi bolmaq.
