Keshe 23 maýsymy kúni Qazaqstan men Qytaı arasyndaǵy memlekettik shekarada ornalasqan «Qorǵas» baqylaý-ótkizý beketiniń shekarashylary uıaly telefondardy shekara arqyly zańsyz alyp ótýge tyrysqan eki azamatshany ustady, - dep habarlaıdy Qamshy.kz QR UQK SHQ baspasóz qyzmetine silteme jasap.

Birinshi jaǵdaıda, túngi 23 saǵat 48 mınýtta 1969 jyly týǵan Jolǵaeva esimdi azamatsha ustalyp, onyń júkteriniń arasyna jasyrylǵan 47 dana uıaly telefon tabyldy.

Arada 5 mınýt ótkende shekaralyq tekserýge kelgen 1970 jylǵy Bordıeva esimdi azamatshanyń da júkteriniń arasynan tıisti qujattary joq 50 dana uıaly telefon shyǵa keldi.

Atalǵan eki áıel de Qazaqstan azamatshalary bolyp shyqty.

Ustaý derekterine qatysty materıaldar «Altynkól» keden beketiniń qyzmetkerlerine tapsyryldy.