Ulybrıtanıadaǵy EO quramynan shyǵý týraly referendým aıaqtaldy - dep habarlaıdy Qamshy.kz.

Uıym quramynan shyǵýdy jaqtaǵandar sany jalpy referendýmǵa qatysqandardyń 52 paıyzyn quraǵan.

Referendýmǵa saılaýshylardyń 71,8 paıyzy – 30 mıllıonǵa jýyq adam qatysqan. London men Shotlandıa turǵyndary EO quramynda qalýdy qoldap daýys berse, Anglıanyń Londonnan tysqary aımaqtary men Ýels halqy kerisinshe uıym qatarynan shyǵýdy jaqtaǵan.

Esterińizge salsaq, 23 maýsymda Ulybrıtanıada EO-ǵa múshelik týraly referendým ótti. El turǵyndary «Birikken Koróldik Eýropalyq odaq quramynda qalýy kerek pe?» degen saýal arqyly eldiń syrtqy saıasattaǵy negizgi vektoryn anyqtady.

Osy rette referendým nátıjesin oryndaý Úkimettiń erkindegi másele ekendigin de aıta ketý kerek. Alaıda, osy referendýmdy ótkizý bastamasynyń ózi odaq quramynda qalýdy qoldaǵan Premer-mınıstr D. Kemeronǵa tıesili bolatyn.