«Sot-saraptaý qyzmeti týraly» Zańynyń jańa jobasy ázirlendi. Bul zań jobasynda jekemenshik sot-saraptaý qyzmetin damytýǵa erekshe nazar aýdarylady, - dep habarlaıdy Qamshy.kz.
Sot saraptaý ortalyǵynyń dırektory Isıdor Borchashvılı budan bylaı Qazaqstanda sot-psıhatrıalyq saraptama júrgizýdi Ádilet mınıstrligi júzege asyratynyn málimdedi.
«Bir aptadan keıin sot-psıhıatrıalyq saraptama júrgizý bizdiń quzyretimizge ótedi. Osylaısha, Ádilet mınıstrligi aıasynda barlyq saraptaý mekemelerin biriktirý úderisi aıaqtalady. Biriktirý júrip jatqandyqtan biz eldegi sot-saraptaý qyzmetin damytý tujyrymdamasyn ázirledik», - dep atap ótti Borchashvılı.
