Almatylyqtardyń jylý kompanıalaryna bereshegi 2 mlrd teńgege jetti. 20 myń tutynýshy komýnaldyq qyzmettiń aqysyn tólemeı jaltaryp júr. Qaryzyn tóleýden qashqandardan boryshty óndirip alý úshin, «Almaty jylý mekemesiniń» ókilderi búgin reıdtik tekserýge shyqty, - dep habarlaıdy Qamshy.kz Astana telearnasyna silteme jasap.

Aıtýlarynsha, bir ǵana  kóp qabatty turǵyn úıdiń qaryzy 500 myń teńgeni quraǵan. Qys boıy tutynǵan jylýy úshin tólemaqyny bergisi kelmegender endi ystyq sýdan ajyratyldy. Tártipke baǵynbaǵandar syrt elderge shyǵý quqyǵynan da aırylmaq.

-Bereshegi barlarmen kúresýdiń bir ǵana joly - áleýmettik nysandardy ystyq sýdan ajyratý. Birneshe kún ystyq sýsyz otyrǵan soń, ózderi-aq qaryzyn tóleýge aǵylady. 11 kúnniń ishinde 539 páterden 20 mln teńge óndirip aldyq. Esikti ashpaı, baıbalam salǵannan túk shyqpaıdy. Odan da tutynǵan qyzmet túriniń aqysyn tólesin, - deıdi «Almaty jylý júıesi» JSHS  dırektorynyń orynbasary Marına Hohlova