Elimizde 30 myńnan asa bala "VKontakte" jelisindegi pornotoptarǵa jazylǵan, - dep habarlaıdy Qamshy.kz Tengrinews.kz-ke silteme jasap.
Shymkenttiń Qarataý aýdandyq prokýratýrasynyń ókilderi "VKontakte" áleýmettik jelisine júrgizilgen baqylaýdan pornografıalyq materıaldary bar 63 topty anyqtaǵan.
"Bul toptarǵa 8 200 000 adam jazylǵan. Olardyń 31 247-si qazaqstandyq kámelet jasyna tolmaǵandar jáne 2 054-i shymkenttik balalar", - delingen OQO prokýratýrasynyń saıtynda.
Máselen, "SEKS" dep atalatyn qoǵamdastyqta 700 000 adam bar eken, olardyń 3 700-i qazaqstandyq balalar, Shymkentten - 229 bala.
"Kámelet jasyna tolmaǵan balalardyń ata-analary olardyń Internette qandaı áleýmettik jelilerde otyratynyn, kimdermen sóılesetinin kún saıyn baqylap otyrýy tıis. Ata-analardyń baqylaýy mańyzdy, sebebi balalarynyń mundaı Internet paraqshalarynda otyrýy qaýip týǵyzýy múmkin", - dep keńes berip otyr prokýratýradaǵylar.
