Búgin Astanada 4 atalym boıynsha «Jyldyń úzdik baspasóz qyzmeti» baıqaýynyń jeńimpazdary marapattaldy, - dep habarlaıdy Qamshy.kz.
QR Aqparat jáne baılanys qyzmetkerleri kúni qarsańynda «Qazkontent» AQ Bas redaktorlar klýbymen birigip, QR Aqparat jáne komýnıkasıalar mınıstrligi Aqparat komıtetiniń qoldaýymen Qazaqstannyń úzdik baspasóz qyzmetterin marapattady. Bıyl alǵash ret uıymdastyrylyp otyrǵan «2016 jyldyń úzdik baspasóz qyzmeti» respýblıkalyq baıqaýyna memlekettik organdar, ákimdikter men ulttyq kompanıalardyń baspasóz qyzmetteri men baspasóz hatshylary qatysty. 2016 jyldyń 10-21 maýsym aralyǵynda ótken daýys berýge respýblıkalyq BAQ redaksıalary qatysty.
Daýys berý BNews.kz bazasynda «Úzdik ortalyq atqarý organynyń baspasóz qyzmeti», «Úzdik jergilikti atqarýshy organnyń baspasóz qyzmeti», «Úzdik kvazımemlekettik sala kompanıasynyń baspasóz qyzmeti», «Kásibı qurmet» degen 4 atalym boıynsha júzege asty.
Marapattaý rásiminde «Úzdik ortalyq atqarý organynyń baspasóz qyzmeti» atalymy boıynsha QR Qorǵanys mınıstrligi jeńimpaz atandy. Osy atalym boıynsha eń kóp daýys jınaǵandar qatarynda QR Bas prokýratýrasy men QR İshki ister mınıstrliginiń baspasóz qyzmeti bar.
Al «Úzdik jergilikti atqarýshy organnyń baspasóz qyzmeti» atalymynda Almaty qalasy ákimdiginiń baspasóz qyzmeti jeńiske jetti. Osy atalym boıynsha Astana ákimdigi men Almaty qalalyq İİD baspasóz qyzmetteri de kóp daýys jınaǵandar qatarynan tabyldy.
«Úzdik kvazımemlekettik sala kompanıasynyń baspasóz qyzmeti» atalymynda «EKSPO» Ulttyq kompanıasy» AQ baspasóz qyzmeti jeńimpaz atandy. Bul atalym boıynsha BAQ ókilderi sondaı-aq, «QTJ» UK»AQ pen «Báıterek» Holdıńin jeńimpaz dep tapqan eken.
«Kásibı qurmet» arnaıy atalymynda QR Bas prokýratýrasynyń baspasóz hatshysy Ernur Ýálı jeńiske jetti. Osy nomınasıa boıynsha QR Syrtqy ister mınıstrligi baspasóz qyzmetiniń basshysy Ánýar Jaınaqov pen QR İİM baspasóz hatshysy Almas Sadýbaevtyń eńbegi jandy.
Saltanatty rásimniń sońynda «Eń operatıvti baspasóz hatshysy» atalymy boıynsha QR İİM Tótenshe jaǵdaılar komıtetiniń resmı ókili Rýslan Imanqulov marapattaldy.
Baıqaýdy uıymdastyrýshylardyń málimetinshe, atalmysh baıqaý endi jyl saıyn uıymdastyrylady. Saltanatty rásimge QR Aqparat jáne komýnıkasıalar mınıstrligi Aqparat komıtetiniń ókilderi, Bas redaktorlar klýbynyń prezıdenti Bıbigúl Jeksenbaı men respýblıkalyq buqaralyq aqparat quraldarynyń bas redaktorlary qatysty.
