Memleket basshysy Nursultan Nazarbaev Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarıalaý týraly ókimge qol qoıdy, - dep habarlaıdy Qamshy.kz Aqordanyń baspasóz qyzmeti silteme jasap.
Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarıalaý týraly Ókimi
1. Eldiń áleýmettik-ekonomıkalyq jáne qoǵamdyq-saıası damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarıalaý jónindegi qoǵamdyq komısıanyń usynymyn qaraı kelip:
Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary berilsin:
Patteev Shámshıddın Áshenqojaulyna - «Túrkistan» gazetiniń bas redaktoryna, otandyq jýrnalısıkanyń damýyna qosqan eleýli shyǵarmashylyq úlesi úshin;
Kýrátov Vladımır Gennadevıchke - «Kazahstanskaıa pravda» respýblıkalyq gazetiniń saıasat bóliminiń redaktoryna, eldiń qoǵamdyq-saıası ómirindegi ózekti máselelerdi tereń ári jan-jaqty jarıalap-kórsetkeni úshin;
Qazaqstan Respýblıkasy Prezıdentiniń buqaralyq aqparat quraldary salasyndaǵy granttary tapsyrylsyn:
Ibraımov Muhtar Seıtqasymulyna - «Habar» agenttigi» aksıonerlik qoǵamynyń tilshisine, áleýmettik-ekonomıkalyq jáne qoǵamdyq-saıası reformalardy, Memleket basshysynyń bastamalaryn jarıalap-kórsetkeni úshin;
Láhovskaıa Vera Andreevnaǵa - «Svoboda slova» qoǵamdyq-saıası aptalyǵynyń tilshisine, respýblıkanyń áleýmettik-mádenı ómirine arnalǵan jarıalanymdary úshin;
Qazaqstan Respýblıkasy Prezıdentiniń buqaralyq aqparat quraldary salasyndaǵy Alǵysy jarıalansyn:
«Doıche Algemaıne Saıtýng» gazeti shyǵarmashylyq ujymyna qoǵamdyq kelisimdi nyǵaıtýǵa qosqan úlesi, jalpyulttyq birlikti qamtamasyz etý jónindegi memlekettik saıasattyń júzege asyrylýyn jarıalap-kórsetkeni úshin;
«Syr medıa» jaýapkershiligi shekteýli seriktestiginiń shyǵarmashylyq ujymyna áleýmettik-ekonomıkalyq ózgeristerdiń iske asyrylýyn, memlekettik til men ulttyq mádenıetti damytýdy belsendi túrde jarıalap-kórsetkeni úshin;
«Qazaq radıosy» radıostansıasynyń shyǵarmashylyq ujymyna áleýmettik-ekonomıkalyq reformalardy iske asyrýdyń barysyn, memlekettik tildi jáne ulttyq mádenıetti damytý máselelerin jan-jaqty jarıalap-kórsetkeni úshin;
«RIKA-TV» telekompanıasy shyǵarmashylyq ujymyna óńirlik jýrnalısıkany damytýǵa qosqan eleýli úlesi úshin.
2. Osy ókim buqaralyq aqparat quraldarynda jarıalansyn.
Qazaqstan Respýblıkasynyń
Prezıdenti N.Nazarbaev
Astana, Aqorda, 2016 jylǵy 23 maýsym
№ 99
