Kanadalyq jýrnalıs, jazýshy jáne ótimdi kitaptardyń avtory Málkólm Gládýel- Malcolm Gladwell «Ǵajaıyp top» (Outliers) atty kitabynda, dúnıege tanymal tabyskerlerdiń tabysqa jetý barysyndaǵy qulshynystaryn basqa bir qyrynan baıandaı kelip, tabysqa jetýdegi «10 myń saǵat» teoremasyn ortaǵa qoıady. Iaǵnı, talant ıeleri týma talant emes, biraq, talant ıeleriniń oqsas bir qasıeti, nátıjeli tabysqa jetý úshin, oqsas bir salada turaqty, jalǵasty túrde izdenýi, qajyrly qulshynysy keminde 10 myń saǵattan kem bolmaǵan. Demek, tabysqa jetý úshin, sol salada mindetti túrde 10 myń saǵattyq qajyrly mashyqtaný, izdeý, qulshynys jasaý kerek.
10 myń saǵat qandaı ýaqyt?! Eseptep kóretin bolsaq, eger de kúnine 8 saǵatty qajyrly mashyqtanýǵa jumsar bolsańyz, onda mólshermen 3 jyldan artyq ýaqyt. Bul múmkin sharýa emes! Eger de kúnine 3 saǵat ýaqytty jumsar bolsańyz, onda 10 myń saǵat ýaqytyńyz, mólshermen 10 jyl ýaqyt. Bul teoremany óner-bilimdi jyldam úırenip, bilimge bolǵan yntasy ár jeti kúnde bir qubylyp turatyn oqýshylaryma arnaımyn jáne de aqylmandarǵa shynaıy iltıpatpen syılaımyn. Óıtkeni, ár kúni 3 saǵat ýaqytty shynaıy úırenip, qajyrly mashyqtaný, aqylǵa qonymdy, turmysqa úılesimdi, shyndyqqa janasymdy deı turǵanmen, turaqty jáne úzdiksiz túrde 10 jyl jalǵastyrý kimde-kimniń qolynan kele bermeıdi. Bul japaǵa shydaı alǵan adam – ózińe jaı adamsyń, basqalarǵa daryndy, talant ıesi atansyń, tipti eldiń eri, halyqtyń arqa súıer tirgi bolasyń. Bolmasa, bul basqyshtan ótpeı turyp, ozyńdy óziń jolbarystaı sezingenińmen, ózgelerge mysyq qurlyda bolmaısyń. Bári de bos, qur dalbasalyq.
