Singapore Airlines áýe kompanıasynyń ushaǵynyń shuǵyl qonýy kezinde oń qanaty otqa orandy. Channel News Asia telearnasynan habarlaǵandaı, oqıǵa saldarynan sıngapýrlyq «Changı» áýejaıynda zardap shekkender bolmady, - dep habarlaıdy Qamshy.kz QazAqparatqa silteme jasap.
TASS-tyń habarlaýynsha, Boeing 777 Sıngapýr - Mılan baǵytynda ushqan. Shamamen eki saǵattan keıin qozǵaltqyshtardyń birinde bolǵan aqaý saldarynan komandır áýejaıǵa qaıta oralý sheshimin qabyldady. Aldyn ala aqparattarǵa qaraǵanda, munda janar-jaǵarmaıdyń tógilýi múmkin. Qoný kezinde ushaqtyń oń jaǵynda órt shyqty. Órt saqshylary oqıǵa ornyna birneshe mınýttan keıin jetti.
Qazirgi ýaqytta quqyq qorǵaý organdary, sonymen qatar avıatasymaldaýshy oqıǵanyń mán-jaıyn anyqtap jatyr.
