Islamtanýshy Qanat Jumaǵul "Biz sáláfı emespiz" degen Muhamedjan Tazabekke jaýap berdi, - dep habarlaıdy Qamshy.kz.

"Dat aıtýǵa haqymyz bar!" degen ustaz "Asyl arna" basshysynyń aıtqandaryna kúmánmen qaraıtyn sıaqty. Sodan bolar Qanat Jumaǵul Muhamedjan Tazabektiń sózine sený úshin birqatar sharttardyń oryndaýly kerektigin alǵa tartady.

"Bizdi "sáláf" dep júrgender otpen oınaıdy", - degen kisiniń sózine kelesi sharttarmen ǵana senýge bolady:

1. Abaı Qunanbaıuly men Máshhúr Júsiptiń Allany mekensiz dep sıpattaýlary - durys senim dep moıyndasa, ári Allany óz bolmysymen (zatymen) aspanda dep senýdiń adasýshylyq ekenin qabyldasa;

2. Imam Tahaýı Alla taǵalanyń bolmysy shektelýden jáne aǵzalardan pák dep aıtqan senimin durys ári aqıqat dep moıyndasa;

3. Mýhammad ıbn Abdılýahhabty adasqan dep qabyldasa;

4. QMDB-nyń tuǵyrnamasynda kórsetilgendeı Imam Ábý Hanıfanyń mázhabyna negizdelgen "matýrıdı" senim mektebin áhlý sýnna joly dep moıyndap, ony óz dinı baǵytyna aınaldyrsa;

5. Ári osy aıtylǵandardy óz sózimen BAQ jáne áleýmettik jeliler arqyly jarıalasa.

Eger bul talaptar oryndalmasa, onda ol kisi óziniń salafıt ekenin moıyndasyn!", - deıdi ıslamtanýshy.

Buǵan deıin Muhamedjan Tazabek BAQ-qa "Bizdi sáláfı deıtinder otpen oınap júr" dep suhbat bergen bolatyn. Onda M. Tazabek Elbasynyń "Aqtóbedegi terakt sáláfızm aǵymyna erýshiilerdiń isi" degen sózine túsinik bergen.